గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

31, జనవరి 2014, శుక్రవారం

శ్రీరాముని గూర్చిన చారిత్రకాంశాల పరిశోధన.

1 comments

జైశ్రీరాం.
ఆర్యులారా!
శ్రీరాముని గూర్చిన చారిత్రకాంశాల పరిశోధించిన పరిశోధకుల వివరణ పరిశీలించండి.

జైహింద్.

దాన ధర్మబుద్ధి దైవ గుణము. మేలిమి బంగారం మన సంస్కృతి 151.

2 comments

జైశ్రీరాం
శ్లో. అక్షరద్వయ మభ్యస్తం “నాస్తి నాస్తీ”తి యత్పురా
తదిదం “ దేహి దేహీ ”తి విపరీతముపస్థితమ్.
ఆ.  నాస్తి నాస్తి యని యనాథులకీయమి
నాటి లోభితనము నేటి ఫలము.
దేహి దేహి యనుచు దేవురింపఁగ వచ్చు.
దాన ధర్మబుద్ధి దైవ గుణము.  
భావము. పూర్వం “నాస్తి, నాస్తి ” అనే రెండక్షరాలు నేర్చిన ఫలితంగా ఇపుడు “దేహి,దేహి” అనవలసిన విపరీత స్థితి ఏర్పడింది ! (పూర్వం ఎవరికీ దానం చేయకపోవటం వల్ల , ఇపుడు యాచించే స్థితి సంక్రమించింది.
జైహింద్.

30, జనవరి 2014, గురువారం

అమృతము, మృత్యువు మనలోనే ఉన్నాయి. మేలిమి బంగారం మన సంస్కృతి 150.

1 comments

జైశ్రీరాం.
శ్లో. అమృతం చైవ , మృత్యుశ్చ ద్వయం దేహే ప్రతిష్ఠితం
మోహాదాపద్యతే మృత్యుః , సత్యేనాపద్యతేమృతమ్. (ఆది శంకరులు)
క. మృత్యువు నమృతము కనపడు 
సత్యము. మన దేహమందె సహవసియించున్
మృత్యువు మోహము వలనను
సత్యముచే నమృత శక్తి సరసత నిలుచున్. 
భావము. అమృతము, మృత్యువు ఈ రెండూ మన శరీరంలోనే ఉన్నాయి. మోహం వల్ల మృత్యువు , సత్యం వల్ల అమృతత్వము కలుగును. 
జైహింద్.

29, జనవరి 2014, బుధవారం

స్వామివారి కటాక్షం

4 comments

జైశ్రీరాం. 
ఆర్యులారా! 
ఎక్కడికక్కడ మన నమ్మకానికనుగుణంగా పరమేశ్వరుడు మనను  కటాక్షిస్తూనే ఉంటాఁడు. తీరా చేసి పరమాత్మ మనలననుగ్రహిస్తే ఇది నిజమేనా? అంటూ వంద సందేహాలు మనలను పట్టి  పీడిస్తాయి. ఔనో కాదో మీరే ఈ క్రింది తార్కాణాలను చూచి నిర్ణయించుకోండి.
ది రత్లాం  అనే వూళ్ళో జరిగింది.  
రామ నామ భజన జరుగుతూవుంటే  స్వామివారు  ఈ విధంగా కటాక్షించారు.
జైహింద్  

28, జనవరి 2014, మంగళవారం

శ్రీ కందుల వరప్రసాద్ రచించిన గోపుర బంధము.

3 comments

జైశ్రీరాం. 
ఆర్యులారా! 
శ్రీ కందుల వరప్రసాద్ రచించిన గోపుర బంధమును తిలకించండి.







శ్రీ  











సే
కు









శ్రీ  
రు
యి







భా
సి
ల్లె
డు
క్త





రు
డు
రు
డు
భు
విన్



జే
సె
ము
రి
పు
తి
యి

బా
నే
గాం
చి
యే
లు
వై
కుం
ము
నన్













శ్రీసేవకు శ్రీకరుడయి,
భాసిల్లెడు   భక్తవరుడు, భవహరుడు భువిన్ 
జేసె రణము రిపుతతిపయి,
బాసలనే గాంచి యేలు వైకుంఠమునన్!
భావము : లక్ష్మీ దేవి సేవలతో సంపత్కరుడై, భవ హరుడు ప్రకాశించుచు భువిలో రాక్షస గణమును ద్రుంచి, సద్భక్తులను వైకుంఠమునకుగొనిపోవును.
జైహింద్

ఎప్పుడెప్పుడేదేది మనకు తోడు? మేలిమి బంగారం మన సంస్కృతి 149.

1 comments

జైశ్రీరాం.
శ్లో. విద్యా మిత్రం ప్రవాసేషు, భార్యా మిత్రం గృహేషుచ ,
వ్యాధితస్యౌషధం మిత్రం , ధర్మో మిత్రం మృతస్యచ.
గీ. దూర దేశమందున మన తోడు విద్య.
గృహమునందున్న మనతోడు గృహిణి యౌను.
వ్యాధి తోనున్న తోడగు నౌషధంబు. 
మృత్యువేళను మనతోడు సత్య చరిత.
భావము.  దూరప్రాంతములందు ఉన్నప్పుడు విద్య, ఇంటిలో ఉన్నప్పుడు భార్య , వ్యాధితో పీడింపబడుచున్నప్పు ఔషధం, మరణించినప్పుడు ధర్మము మనకు తోడుగానుండు స్నేహితులు. 
జైహింద్. 

27, జనవరి 2014, సోమవారం

పసందైన విందు - క్రమాంక రుచి పొందు.

1 comments

జైశ్రీరాం. 
ఆర్యులారా! 
శ్రీ రాపాక ఏకాంబరాచారిగారిచ్చిన విందు శ్రీ వేము భీమశంకరం గారికి పసందు. ఎంత పసందో మీరే చూడండి. 
జైహింద్

తెలుగు పద్యానికి దోదహదం. ఒక చర్చ. మీ అమూల్యమై న అభిప్రాయాలను కూడా తెలియజేయగలరు.

1 comments

జైశ్రీరాం. ఆర్యులారా! మనది అనుకొన్న తెలుగు తేజం క్రమేణా క్షీణిస్తోందన్న విషయంలో తెలుగువారి హృదయాలను కలత పడుతున్న మాట వాస్తవం.అందునా తెలుగు పద్యము మరీ నిరాదరణకు లోనౌతోంది. ఈ విషయమై కలత చెందుతున్న మహనీయులు చాలా ఆలోచించి, ఏదో ఒకటి చేయాలి, మన తెలుగు పద్యం పూర్వ వైభవాన్ని పొందాలి అనే ఆలోచనతో నిన్న సాయంత్రం శ్రీ వేము భీమేశంకరం గారి సాహితీ పీఠంలో ఒక చర్చావేదిక నిర్వహించారు. ఆంధ్ర భూమి సంపాదకులు శ్రీ ఎం.వి.ఆర్.శాస్త్రి, భక్తి టీవీ కి సంబంధించిన శ్రీ ఎం.వి.ఆర్.శర్మ, తెలుగు విశ్వ విద్యాలయం మాజీ ఉప కులపతి శ్రీ అనుమాండ్ల భూమయ్య, డా.బీ.ఆర్.అంబేద్కర్ సార్వత్రిక విశ్వ విద్యాలయం విశ్రాంత తెలుగు ఆచార్యులు శ్రీ రావికంటి వసునందన్, శ్రీ రాపాక ఏకాంబరాచారి, శ్రీ వేము భీమశంకరం, శ్రీ సాధన నరసింహాచార్యులు, ఆచార్య ఫణీంద్ర, ఇంకా పెక్కుమంది ప్రముఖులు ఈ కార్యక్రమంలో పాల్గొన్నారు.నేను కూడా ఈ సభలో పాల్గొన్నాను.
పాల్గొన్నవారందరూ తెలుగు భాషాభివృద్ధికై అనేకమైన సూచనలు చేశారు.పద్య రచనలో సామాజిక స్పృహ పెంపొందించుకొనుట, బాల బాలికలకు మనోరంజకంగా ఉండే విధమైన పద్యాల పఠనములో శిక్షణ నిచ్చుట, టీవీ కార్యక్రమములలో తెలుగు పద్యములతో కూడిన కార్యక్రమాలను రూపొందించుట, ఆ కార్యక్రమములద్వారా విద్యార్థులలో తెలుగు పద్యముపై మక్కువ కలిగించుట,  నెలకొకమారైనా సమావేశమై అభివృద్ధిని సమీక్షించుట,   ఇత్యాదిగా అనేకమైన సూచనలు చేసియున్నారు.
అందు వేము భీమశంకరంగారి అభిప్రాయం లిఖిత పూర్వకంగా అందజేసినారు అది మీ ముందుంచుతున్నాను. 

మీ అమూల్యమై న అభిప్రాయాలను కూడా తెలియజేయగలరు.
జైహింద్.

25, జనవరి 2014, శనివారం

వ్యాఘ్రీవ తిష్ఠతి జరా పరితర్జయంతి (మేలిమి బంగారం మన సంస్కృతి 149)

2 comments

జైశ్రీరాం.
శ్లో: వ్యాఘ్రీవ తిష్ఠతి జరా పరితర్జయంతి 
రోగాశ్చ శత్రవ ఇవ ప్రహరంతి దేహం
ఆయుః పరిస్రవతి భిన్నఘటాదివాంభో 
లోకస్తథాప్యహితమాచరతీతి చిత్రమ్.
క: పులివలె పయిఁబడు వృద్ధత,
పలు రోగములావహించు, పగిలిన కుండన్
నిలువని నీరటులాయువు
తొలగును. మరి దుష్ట బుద్ధి తొలగదదేలో?    
భావము:  ముసలితనము ఆడపులివలె చూపుడు వ్రేలితో బెదిరించుచున్నది. శత్రువులు వలె రోగాలు  దేహమును హరించుచున్నవి. పగిలిన కుండలోని నీరు వలె ఆయుర్దాయము తరిగిపోవుచున్నది.ఐనప్పటికీ లోకం అహితకార్యములు  చేయుచునే యుండుట ఆశ్చర్యం!  
జైహింద్.

24, జనవరి 2014, శుక్రవారం

పుష్ప ధనుర్బంధ స్వస్థాన - విషమ వృత్తములు. రచన: శ్రీ వల్లభ.

1 comments

జైశ్రీరాం. 
ఆర్యులార! శ్రీ వల్లభ కృత పుష్ప ధనుర్బంధ స్వస్థాన-విషమ వృత్తములు అవలోకించండి.
జైహింద్. 

23, జనవరి 2014, గురువారం

పసిమొగ్గలు. రచన.డా.యస్వీరాఘవేంద్రరావు

0 comments

జైశ్రీరాం. 
ఆర్యులారా!
డా.యస్వీరాఘవేంద్రరావు రచన పసిమొగ్గలు తిలకించండి.
 జైహింద్.

22, జనవరి 2014, బుధవారం

స్వర్గంలో తనకోసం ఎదురు చూస్తున్న తన అర్థాంగ లక్ష్మి అన్నపూర్ణ దగ్గరకు వెళ్ళిపోయిన అక్కినేని

0 comments

జైశ్రీరాం. 
ఆర్యులారా. మన అభిమాన సినీ కళాకారుఁడు శ్రీ అక్కినేని నాగేశ్వరరావు  సెలవు తీసుకొంటున్నారు చూడండి.

ఓం నమశ్శివాయ.
నాపై అవ్యాజమైన అభిమానాన్ని చూపించిన నా అభిమానులారా! మీ అభిమానమే ఊపిరిగా ఇన్నాళ్ళూ జీవించించాను.  నా అర్థాంగ లక్ష్మి అన్నపూర్ణ నాకోసం స్వర్గం నుండి ఎన్నాళ్ళని ఎదురు చూస్తుంది? అందుకనే నేను  ఆమెదగ్గరికి  వెళ్ళిపోతున్నాను .  వెళ్ళిపోతున్నాందులకు   నన్ను మన్నించండి. నన్ను అనుమతించండి. ఇక సెలవు. 
అభిమానులందరి నుండి శాశ్వితముగా సెలవు తీసుకున్న అక్కినేని నాగేశ్వరరావు.
తెలుగు సినీ రంగమున ప్రవేశించిన నాటి నుండియు నిరుపమానమైన తన సహజ నటనతో ఆబాల గోపాలమును అలరింపజేసి అజాత శతృవుగా పేరు గడించి, తన కీర్తి చంద్రికలను శాశ్వితముగా భూపై నిలిపి తాను తన అర్థాంగ లక్ష్మిని చేరుకొనుటకు శాశ్వితముగా వెళ్ళిన శ్రీ అక్కినేని నాగేశ్వరరావుగారికి ఆంధ్రామృతం శ్రద్ధాంజలి ఘటిస్తోంది. వారి కుటుంబ సభ్యులకు, అభిమాన జనకోటికి ప్రగాఢ సానుభూతి తెలియజేస్తోంది.
ఓం నమో భగవతే శ్రీమన్నారాయణాయ.

అవధాన మఖము. రచన.డా.యస్వీరాఘవేంద్రరావు

0 comments

జైశ్రీరాం. 
ఆర్యులారా!
డా.యస్వీరాఘవేంద్రరావు రచన అవధాన మఖము తిలకించండి.
 జైహింద్. 

21, జనవరి 2014, మంగళవారం

భక్త సులభుడైన పరమాత్మను మీ భావనా కుసుమాలతో సేవించండి

2 comments

జైశ్రీరాం
ఆర్యులారా! అకళంక భక్తి తత్పరులపైన, అవ్యాజ భక్తి తత్పరులపైన అసాధారణ ప్రేమామృతమును కురిపించు భక్త సులభుఁడైన ఆ జగన్నాటక సూత్రధారియగు శ్రీ కృష్ణ పరమాత్మ చిన్ననాటి స్నేహితుఁడైన కుచేలుని సేవిస్తున్న ఈ చిత్రమును చూస్తే మీకూ కవితావేశం పుట్టుకురావటం లేదూ? మరెందుకాలస్యం? మీ శైలిలో మీరు పద్యకవితా కుసుమాలతో ఆ పరమాత్మను ఆరాధించండి. పద్యరూపంలోనే కాక, గద్య, గేయ, చంపూ రూపలలో ఏ విధంగానైనా   మీరు పంపే వ్యాఖ్య ద్వారా ఆ పరమాత్మకు ఆంధ్రామృతం సమర్పిస్తుంది. జైశ్రీమన్నారాయణ.

శ్రీ నేమాని రామజోగి సన్యాసి రావు విరచిత
శ్రీకృష్ణ సుదామ సౌహార్దము

శ్రీరమణీ హృదయేశ్వరు
కారుణ్యామృత పయోధి గను వేడుకతో
ద్వారక కేగె సుదాముడు
పేరు ముదము హృదయసీమ పెల్లుబుకంగా

తన మందిరమును జేరిన 
యనఘుని చిననాటి మిత్రు నానందముతో
గని శ్రీకృష్ణుండెదురుగ
జని ప్రేముడి పల్కరించి స్వాగత మిడుచున్

రమ్ము రమ్ము సుదామ! మిత్రమ! రమ్ము బ్రాహ్మణసత్తమా!
నెమ్మనమ్మున నా గృహమ్మిదె నేడు పావనమయ్యె మో
దమ్ము గూర్చెను నీదు రాకయు ధర్మతత్పర శీల! యం
చమ్మహాత్ముని చేయి పట్టి గృహమ్ము లొనికి జేర్చుచున్ 

చిన నాటి మిత్రుడీతం
డని తెలుపుచు రుక్మిణికి మహానందముతో
కనకాసనమున సఖు గూ
ర్చొన జేసెను కృష్ణుడట్టి శుభ సమయమునన్ 

అర్ఘ్య పాద్యాదుల నాప్త మిత్రున కిచ్చి
....యంఘ్రి పూజల జేసె నచ్యుతుండు 
గురుని సందీపుని గురుకులమ్మును గూర్చి
....తమ చిన్ననాటి నేస్తముల గూర్చి
అఖిల శాస్త్రమ్ముల నధ్యయమ్మును గూర్చి
....చాల సంగతుల ముచ్చటల దేలి
యందందు వివిధ ముఖ్యాంశంబులను గూర్చి
....మరల మరల దెల్పి పరవశించి
సాదరమ్మున గురుని కంజలి ఘటించి
యెంత కాలము గడిచెనో యింత దనుక
ననుచు జ్ఞాపకములలోన మనము లలర
చెలగిరా బాల్య మిత్రులు శ్రీకరముగ 

మాటలాడుచు ప్రేమతో మాధవుండు
చెలుని కొంగున ముడివిప్పి చేతితోడ
నటుకులను గొని మోదాన నారగించె
మేలు మేలంచు నెంతయు మెచ్చుకొనెను 

ఎంతటి ధన్యుడో కద మహీసురు డాతడు ద్వారకేశుడ
త్యంత ముదమ్ముతో సలిపె నంఘ్రి సరోజ సమర్చనమ్ము శ్రీ
మంతుని యాదరమ్మునకు మానసమెంతయు బొంగె నంతటన్
జింతలు దీరి భూసురుడు చెన్నుగ కృష్ణు బ్రశంస జేయుచున్

వీడుకోలు నంది వెడలి ద్వారక వీడి
భూసురుండు నిజనివాసమునకు
నద్భుతమగు రీతి నచ్చోట గాంచెను 
వివిధ సంపదలను వీటిలోన 

వనజాతేక్షణు లీలగా జెలుని సంవాసమ్ము మారెన్ బళా
కనువిందున్ గలిగించు హర్మ్యవరమై క్రాలెన్ సుసంపన్నమై 
కని విభ్రాంతిమెయిన్ సతిన్ సుతుల నా క్ష్మాదేవు డుత్సాహియై
వినుతించెన్ బహుధా కృతజ్ఞతలతో ప్రేమాఢ్యు శ్రీకృష్ణునిన్

జేజే! గోకులనాయకా! ప్రియసఖా! జేజే! సరోజేక్షణా!
జేజే! శిష్టజనావనా! మురహరా! జేజే! ప్రసన్నాననా!
జేజే! ధర్మపరాయణా! శుభకరా! జేజే! ముకుందా! హరీ!
జేజే! భక్త హృదంబుజాత నిలయా! జేజే! యశోదాసుతా! 

నేమాని రామజోగి సన్యాసి రావు గారికి ధన్యవాదములు

జైహింద్ 

పద్యము. దాని వైశిష్యము. రచన.డా.యస్వీరాఘవేంద్రరావు

0 comments

జైశ్రీరాం. 
ఆర్యులారా!
డా.యస్వీరాఘవేంద్రరావు రచన పద్యము. దాని వైశిష్యము తిలకించండి. 
జైహింద్. 

20, జనవరి 2014, సోమవారం

మాతృభాష. రచన.డా.యస్వీరాఘవేంద్రరావు.

0 comments

జైశ్రీరాం. 
ఆర్యులారా!
డా.యస్వీరాఘవేంద్రరావు రచన మాతృభాషా వైశిష్ట్యము తిలకించండి. 
జైహింద్.  

19, జనవరి 2014, ఆదివారం

దేశీయ ధేనువు ప్రాముఖ్యత మరియు భారతీయ వ్యవసాయానికి దాని ఆవశ్యకత. సుభాష్ పాలేకర్

1 comments

జైశ్రీరాం.
ఆర్యులారా! ఈ క్రిందిది పఠించి ఈ విషయామై మీరూ ఆలోచించండి.
"పెట్టుబడి లేని ప్రకృతి వ్యవసాయం" ప్రకృతి వ్యవసాయ ఉద్యమకారుడు: సుభాష్ పాలేకర్ 
ప్రకృతి వ్యవసాయం లో కలుపు సమస్యే 
కాదు.  రసాయనిక ఎరువులు, టన్నుల కొద్దీ వేస్తున్న పశువుల ఎరువులతోనే కలుపు రైతులకు తీవ్ర సమస్యగా మారుతోంది. సక్రమంగా ఆచ్ఛాదన కల్పించి, జీవామృతం చల్లిన భూమిలో వానపాములు చైతన్యవంతమై అన్ని రకాల పోషకాలను పంటలకు అందించేందుకు నిరంతరం శ్రమిస్తాయి. జీవనద్రవ్యంతో కూడిన భూసారాన్ని పరిరక్షించుకోవడం అవసరము. మెట్ట పొలాల్లో ఆచ్ఛాదనకు గడ్డి లేకపోతే భూమిని పైపైన దుక్కి చేసి మట్టి పెళ్లలతో ఆచ్ఛాదన కల్పించవచ్చు. ప్రకృతి వ్యవసాయంలో ఎటువంటి ఎరువూ వేయనక్కర లేదు. నాటు ఆవు పేడ, మూత్రంతో తయారైన ‘జీవామృతం’లో కోటానుకోట్ల సూక్ష్మజీవు లుంటాయి. కర్నాటక, కేరళ ప్రభుత్వాలు యీ విధానాన్ని ఆమోదించి శిక్షణాశిబిరాలు నిర్వహిస్తున్నాయి. ఒక్కో రాష్ట్రంలో పది లక్షల మంది ఈ పద్ధతిలో వ్యవసాయం చేస్తున్నారు.
ఈ వ్యవసాయంలో మన దేశీయ గోవులది ప్రధాన పాత్ర. దేశీ ఆవుల మూత్రంలో , పేడలో ఎన్నో ఉపయోగకరమైన మిత్రక్రిములున్నాయి , కేవలం వాటి ద్వారా మాత్రమే మనం భూమిని సారవంతం చేయవచ్చు. 1 గ్రాము దేశీ ఆవు పేడలో 300 కోట్ల మిత్ర క్రిములున్నాయని శ్రీ సుభాష్ పాలేకర్ గారు రుజువు చేసారు . జెర్శీ ఆవుకు , దేశీ ఆవుకు ఎన్నో తేడాలున్నాయి. దేశీ ఆవు పేడలో, మూత్రంలో ఉన్నన్ని మిత్రక్రిములు జెర్సీ ఆవుతో సహా మరే ఇతర జంతువు మల మూత్రాలలో కూడా లేవు. పైగా వాటి మల మూత్రాలలో మానవునికి కీడు చేసే భారీ లోహాల మిగులు , హాని కారక క్రిముల శాతం కూడా ఎక్కువగా ఉంటుంది. పాల విషయంలో కూడా జెర్సీకి , దేశీ అవుకు చాలా తేడాలున్నాయి. జెర్సీ ఆవు పాలలో " A 1 బీటా కేసిన్ " అనే కాన్సర్ కారక ప్రోటిను ఉంటుంది , దేశీ ఆవు పాలలో " A 2 బీటా కేసిన్ " అనే ఔశద ప్రోటిను ఉంటుందని పరిశోదనలు తెలుపుతున్నాయి. విదేశీయులు మనకు జెర్శీ ఆవులను అంటగట్టి వారు మత్రం మన దేశీ ఆవుల ద్వారా లభించే A 2 పాలను సేవిస్తున్నారు . జెర్సీ ఆవు ( శాస్త్రీయ నామం :- బాస్ టారస్ ) జన్యు క్రమములో , దేశీ ఆవు ( శాస్త్రీయ నామం :- బాస్ ఇండికస్ ) జన్యు క్రమంలో తేడాలున్న కారణంగానే అది దేశీ ఆవుతో సమానం కాదు . కావున దేశీ ఆవులను కాపాడవలసిన ఆవశ్యకతను ప్రజలకు తెలయజెప్పి , వాటిని పరిరక్షించి దేశాన్ని , రైతులను కాపాడాలనేది నా దృఢ సంకల్పం.
బ్రెజిల్ దేశంలో మన దేశీ ఆవుల ద్వారా లభించిన " బ్రాహ్మిణ్ " జాతి ఆవుల ద్వారా రోజుకు 40 లీటర్ల ఆరోగ్యకరమైన A2 పాలను పొందుతున్నారు . మన దేశీ ఆవులు ఎటువంటి కరువు పరిస్థితులనైనా తట్టుకొని జీవిస్తాయి. పాలను పొందడానికి "ఆక్సిటోసిన్" లాంటి హానికారక హార్మోనులను ఎక్కించవలసిన పనిలేదు. రోగ క్రిమి నాశక మందులను ప్రతి నెలా ఇవ్వనవసరం లేదు. శీతలీకరణ పరికరాలను అమర్చవలసిన పనిలేదు . మన దేశి ఆవులను పెంచడం చాల సులభం. దేశీ ఆవులలోని కొన్ని జాతులను సంకరపరిచి ఎక్కువ పాలిచ్చే జాతిని పెంపొందించవచ్చు. ఇలా చేయడం వల్ల మన రైతులు మన దేశీ ఆవుల పెంపకంపై ఆసక్తి చూపి , వాటిని పెంచి లాభం పొందుతారు.
గోమాతను పూజించండి మానవత్వాన్ని కాపాడండి.
హిందిలో ఉన్నా ఈ యుట్యూబ్ విడియో చూడండి. 
http://www.youtube.com/watch?v=ZzgxspB788s - private
సుభాష్ పాలేకర్.
జైహింద్

18, జనవరి 2014, శనివారం

విద్యా హీనా న శోభంతే. మేలిమి బంగారం మన సంస్కృతి 148

0 comments

జైశ్రీరామ్.
శ్లో: రూప యౌవన సంపన్నాఃవిశుద్ధ కుల సంభవాః
విద్యా హీనా న శోభంతే నిర్గంధా ఇవ కిమ్శుకాః.
గీ. రూప యౌవన సంపదల్ రూఢిఁ గలిగి,
శుద్ధ కులజులైయుండియు శోభిలరుగ 
విద్యలేనట్టి వారలు విశ్వమందు
పరిమళము లేని కింశుక వరల నట్లు!
భావము: రూప యౌవన సంపన్నులైనవారైనను, ఉత్తమ కులములో పుట్టినవారైనను విద్యావిహీనులైనట్లైతే సువాసన లేని మోదుగు పువ్వువలె శొభించరు. 
జైహింద్.

17, జనవరి 2014, శుక్రవారం

విద్యా రత్నం మహా ధనమ్ . మేలిమి బంగారం మన సంస్కృతి 147

0 comments

జైశ్రీరామ్
శ్లోజ్ఞాతిభిః వంచతేనైవ - చోరేణాపి ననీయతే.
దానేన నక్షయం యాతి, - విద్యా రత్నం మహా ధనమ్.
గీజ్ఞాతి వంచనకెరగాని జాతిరత్న 
మందనట్టిది చోరుల, కనవరతము
దానమును చేయుచున్నను దరుగనట్టి 
జాతి రత్నంబువిద్య విఖ్యాత ధనము.
భావము విద్య అనెడి రత్నము మనకు గొప్ప ధనము. జ్ఞాతులు మనలను వంచించి తీసుకొనుటకు వీలు లేనిది, దొంగలు అపహరింప జాలనిది.దానమెంతగా చేసినను తరుగనటువంటిది.
జైహింద్

14, జనవరి 2014, మంగళవారం

శ్రీవల్లభ కృత "త్వరితగతివృత్త గర్భ పలాశ దళ వృత్తము"

2 comments

జైశ్రీరాం. 
ఆర్యులారా! శ్రీవల్లభ కృత
 "త్వరితగతివృత్త గర్భ పలాశ దళ వృత్తము" 
తిలకించండి.
జైహింద్

13, జనవరి 2014, సోమవారం

శ్రీ విజయ నామ సంవత్సర మకర సంక్రాంతి శుభాకాంక్షలు

4 comments

జైశ్రీమన్నారాయణ!
ఆశ్రిత సద్గుణ ధనులగు ఆర్యులకెల్లన్
సుశ్రేయము కొలుపగ నే
నా శ్రీమద్వేంకట పతి నర్ధింతు నెదన్.
రవి శుభ సద్గతిన్ మకరరాశిని చేరెడు పుణ్య కాలమున్ 
నవనవ కాంతులీ భువికి నవ్యత కూర్చెడు నార్యులార! మీ
రవిరళ శోభనావళిని హాయిగ గాంచుచు నిర్మలాత్ములై
కవులను గౌరవించుచు సుఖంబును కొల్పుడు మంచి మాటలన్.
మకర సంక్రాంతి మీకిడు సకల సుఖము
లాయురారోగ్యములు. శుభాహ్వయులఁ జేయు.
నిరుపమానంద పూర్ణులై వరలుడింక
పెద్దలందరి దీవన లొద్దిక గని.
జైహింద్.

12, జనవరి 2014, ఆదివారం

పరమహంసయాన వృత్త గర్భ సుగంధి పంచచామర శాంతి వృత్తములు శ్రీ వల్లభ కృతము.

0 comments

జైశ్రీరామ్. 
ఆర్యులారా! శ్రీ వల్లభ కృత పరమహంసయాన వృత్త గర్భ సుగంధి - పంచచామర - శాంతి వృత్తములు తిలకించండి 
జైహింద్ 

11, జనవరి 2014, శనివారం

ఆధునికులు ఆచరించ వలసిన అవశ్యాచరణీయ ధర్మాలు

0 comments

జైశ్రీరాం.
ఆర్యులారా! వైకుంఠ ఏకాదశి సందర్భముగా యావన్మానవ జాతికీ శుభాకాంక్షలు.సుజ్ఞాన సమృద్ధులై వెలుగొందుదు మిమ్ము మనసారా అభినందిస్తున్నాను.  ఆధునికులు ఆచరించ వలసిన అవశ్యాచరణీయ ధర్మాలు భక్తశిఖామణి శ్రీ భరణి గారి మూలముగా శ్రీ శ్రీ శ్రీ భారతీ తీర్థ మహా స్వామీజీ ముఖతః వెలువడిన అమూల్యమైన వాక్యామృతాన్ని గ్రోలండి.  

శ్రీ శ్రీ శ్రీ భారతీ తీర్థ మహా స్వామీజీ వాగమృతాన్ని మనసారా గ్రోలిన ధన్య జీవులారా!
యుక్తాయుక్త వివేక సంపన్నులారా! మీకు శుభమగుగాక.
జైహింద్. 

10, జనవరి 2014, శుక్రవారం

కవివతంస బులుసు కంఠోద్భవ సుస్వరరూప స్వీయ రచన

0 comments

జైశ్రీరాం.
ఆర్యులారా1 విశ్వనాధ భావుకతను అసాధారణ భావనా వైవిధ్యంతో వెలువరించి, ఆంధ్రామృత పాఠకుల మనములందు స్థిరుడై నిలిచిన మన కవివతంస బులుసు వేంకటేశ్వర్లు గారి కంఠోద్భవ సుస్వరరూపస్వాయ రచనామృతాన్ని గ్రోలండి.


భారత మాత రక్షణకు ప్రాణము లొడ్డెడి రక్షకాగ్రణీ!
ధీరుఁడవైన నీ ప్రతిభ దేశవిదేశములందు వెల్గగా
సౌరును జూపుచున్ బులుసు సత్కవి వంధ్యుఁడు వేంకటేశ్వరుల్  
గారవ మొప్ప పాడి మొనగాడుగ నిన్విరచించె. కాంచితే?

ఇట్టి కవీశులిద్ధరణి నీవిధి నిన్ గొలువంగనుండగా 
మట్టిని కల్పి వైరులను మాతృ ఋణంబును తీర్చు శక్తి రా
కెట్టులనుండు నీకు? సుకవీంద్రుడు మాతృ ఋణంబు తీర్చె నిన్ 
   బట్టి స్తుతించుటన్. కలుగు పాండితి కీఫలితమ్ము చాలదే!   

బులుసు కవీద్రులకభినందనలు.
జైహింద్

పరమ హంసయాన గర్భ పంచచామర శ్యేనీ వృత్తములు.శ్రీ వల్లభ కృతము.

0 comments

జైశ్రీరాం. 
ఆర్యులారా! శ్రీ వల్లభవఝల కృత పరమ హంసయాన గర్భ పంచచామర శ్యేనీ వృత్తములు తిలకించండి.
జైహింద్.

6, జనవరి 2014, సోమవారం

అనులోమ విలోమ సుగంధి గర్భ శాంతి శ్యేనీ వృత్తములు. .శ్రీ వల్లభ కృతము.

1 comments

జైశ్రీరాం.
ఆర్యులారా! శ్రీ వల్లభ కృత అనులోమ విలోమ సుగంధి గర్భ శాంతి శ్యేనీ వృత్తములు తిలకించండి.
జైహింద్.

5, జనవరి 2014, ఆదివారం

అనులోమ విలోమ సుగంధి గర్భ శ్యేనీ వృత్తము.శ్రీవల్లభ కృతము

1 comments

ఆర్యులారా! 
శ్రీ వల్లభ కృత అనులోమ విలోమ సుగంధి గర్భ శ్యేనీ వృత్తమును తిలకించండి.
కవివరునకు అభినందనలు.
జైహింద్.