శ్రీ యాదాద్రి లక్ష్మీనృసింహ శతకము 21వ పద్యము .... రచన. చింతా రామకృష్ణారావు. గానం. శ్రీ కుమార సూర్యనారాయణ.

 జైశ్రీరామ్.

21. ఓం అఘోరాయ నమః.

బలభిన్మణి వృత్త గర్భ సీసము. 

నిరుపముఁడవును శ్రీకరుఁడవు, శాశ్వత - శుభదుఁడవే చూడ, శుభ్రతేజ! 

యిటనుంటినయ్య! ప్రాకటముగ నన్ వర - లఁ గనుమికన్ దేవ! లాలితముగ.

మనమున నన్నుఁ జేకొనఁగఁ దలంచెడి - కరివరదా! హితకారివీవె.

మలిన హరుండ! నీకిలశుభముల్, నిరు -  పమ నృహరీ! నన్ను వదలఁబోకు. 

గీ. నయము, భయమును జగతి విస్మయముఁ గొలుపు - ఘోరదూర! *అఘోరా*ఖ్య! కుజన నాశ!

భక్త జన పోష! భవశోష! పాపనాశ! - శ్రితజనోద్భాస! యాదాద్రి శ్రీనృసింహ!

21వ సీస గర్భస్థ బలభిన్మణి వృత్తము. (భ స న న గ .. యతి 7)

శ్రీకరుఁడవు, శాశ్వత శుభదుఁడవే. - ప్రాకటముగ నన్ వరలఁ గనుమికన్.

జేకొనఁగఁ దలంచెడి కరివరదా! - నీకిలశుభముల్, నిరుపమ నృహరీ!

భావము.

భక్తులను పోషించువాఁడా! భవమును నశింపఁజేయువాఁడా! పాపమును నశింపఁజేయువాఁడా! నీతిని, భయమును,

విస్మయమును కలిగించు ఘోరములను దూరము చేయువాడా! అఘోరాఖుఁడా! దుష్టులను నశింపఁ జేయువాడా!  

ఆశ్రితజనమున ప్రకాశించువాఁడా! ఓ యాదాద్రివాసుఁడవైన లక్ష్మీ నారసింహా! ఓ పవిత్రమైన తేజస్సు కలవాఁడా! నీవు

సాటిలేని వాడవు.. మంగళప్రదుఁడవు. శాశ్వితమైన శుభములు క్జూర్చువాడవే సుమా. ఇక్కడుంటిని. నన్ను వరలునట్లుగా

లాలితముగా చూడుము.  నీ మదిలో నన్ను చేకొన తలచెడి ఓ కరివరదా! నీవే హితకారివి. మాలిన్యములను

హరించువాడా! భూమిపై నీకు శుభములగుగాక. సాటి లేని నరసింహా! నన్ను విడువఁ బోకుము.  

జైహింద్.

Print this post