దేహీతి వచనం కష్టం. .. మేలిమిబంగారం మన సంస్కృతి.

  జైశ్రీరామ్.

శ్లో.  దేహీతి వచనం కష్టం -  నాస్తీతి వచనంతథా

దేహీనాస్తీతి మద్వాక్యం - నాభూత్ జన్మనిజన్మని.

తే.గీ. కష్టమగు దేహి యనుటయు కష్టమిలను

నాస్తియనుటయు కనఁగ నో నలిననయన!

దేవ! వలదయ్య నాస్తియున్ దేహియు నిల

జన్మజన్మలకున్ నాకు, సరసిజాక్ష!

భావము. ఓ దేవా! దేహి అని నోటితో ఇతరుల అడుగుకొనుచు పలుకుటయు, 

అడిగినవారితో నాస్తి యని పలుకుటయు చాలా కష్టముగ ననిపించుచున్నది. 

జన్మజన్మలకు నాకు ఈ పదములు సంభవించకూడదని ప్రార్థించుచున్నాను.

జైహింద్. 

Print this post