తాత్పర్యసహిత సౌందర్య లహరి - 36 || రత్నాదేవి. .. పద్యానువాదము చింతా రామకృష్ణారావు.

జైశ్రీరామ్.

ఓం శ్రీమాత్రే నమః.

చం.  రవిశశికోటి కాంతియుత భ్రాజిత మూర్తి, మహత్ పరంపు చి

ద్భవమహనీయ శక్తినిరుపార్శ్వములన్భవదీయ చక్రమౌ

స్తవమహితాజ్ఞకున్ గలుగు సన్నుత శంభుని కంజలింతు, నా

భవునినుతించు సాధకుఁడు భవ్య సహస్రమునందు వెల్గునే. ॥ 36 ॥

భావము.

నీ సంబంధిత ఆజ్ఞా చక్రమందున్న కోటి సూర్య చంద్ర కాంతులను ధరించిన,  పరమగు చిచ్ఛక్తివలన కలిసిన రెండు ప్రక్కలు కలవాడును, పరుడు అయిన శంభుని నమస్కరించుచున్నాను,  ఆ శంభుని భక్తితో ఆరాధించి సాధకుడు రవి చంద్రుల ప్రకాశమునకు అగోచరమై, బాహ్యదృష్టికి అందని ఏకాంతమైన సహస్రార కమలమునందు నివసిస్తున్నాడు. 

జైహింద్.

Print this post