తాత్పర్యసహిత సౌందర్య లహరి - 8 || రత్నాదేవి. .. పద్యానువాదం చింతా రామకృష్ణారావు.

జైశ్రీరామ్.

ఓం శ్రీమాత్రే నమః.

సీ.  అమృత సింధువు మధ్య నమరిన రతనాల దీవియందున్నట్టి దివ్యమైన

కల్పవృక్షంబుల ఘన కదంబముల పూ తోటలోపలనున్న మేటియైన

చింతామణులనొప్పు శ్రీకరంబైనట్టి గృహములో శివునియాకృతిగనున్న

మంచంబున శివుని మంగళోరువు గొప్ప స్థానంబుగా కల జ్ఞానపూర్ణ

తే.గీ.  వరదయానంద ఝరివైన భవ్యరూప!

ధన్య జీవులు కొందరే ధరను నీకు

సేవచేయగాఁ దగుదురు, భావమందు

నాకు నీవుండుమా జగన్మాత! కృపను. ॥ 8 ॥

భావము.

అమ్మా ! అమృత సముద్రము మధ్య భాగమున ఉన్న రతనాల దీవి యందు కల్ప వృక్షములు, కదంబ పూతోట లోపల చింతామణులతో నిర్మిచబడిన గృహము నందు శివుని రూపముగా గల మంచమున పరమ శివుని తొడయే స్థానముగా గల జ్ఞానానంద ప్రవాహ రూపిణియగు నిన్ను కొందరు ధన్యులు మాత్రమే సేవించు చున్నారు. 

జైహింద్.

Print this post