అష్టోత్తరశత సతీ అశ్వధాటి (సతీ శతకము). 92వ పద్యము. రచన. చింతా రామకృష్ణారావు. గానము ... శ్రీ కుమార సూర్యనారాయణ.

 జైశ్రీరామ్.

92. రామాభిరామవుగ శ్రీమాతరో సుగుణమే మాతగాఁ దలతుమే.

మామానసంబులను నీమంబుతో సుగుణమై మేలు కూర్చ నిలుమా.

యేమాత్రమున్ దురితమే మమ్ము చేరనటు క్షేమంకరీ! కనఁగదే.

నీ మానసంబునను మేమున్న చాలు నిక. క్షేమంబె మాకిల సతీ!

భావము.

ఓ సతీ మాతా!  స్త్రీలలో అందమయినదానిగాను, మంచిగుణమే నీ 

రూపముగాను మేము నిన్ను భావింతుము  మా మనసులలో 

సుగుణస్వరూపమువై మేలు కలిగించుట కొఱకు నిలిచియుండుమమ్మా. ఓ 

క్షేమమును కలిగించు తల్లీ! చెడు అనునది మా మనసులలోనికి ఏమాత్రమూ 

కూడా చేరకుండా ఉండునట్లు చూడకూడదా తల్లీ? నీ మనస్సులో మేమున్న 

చాలును తల్లీ! మాకెల్లప్పుడూ క్షేమమే కలుగునమ్మా.

జైహింద్.

Print this post