జైశ్రీరామ్.
88. హైమాద్రి పుత్రివగు శ్రీమాత నీ చరణ మేమాత్రమైన తలవన్
కామాదులే తొలగి క్షేమామృతంబొదవు భూమిన్ నిజంబిదెకదా.
మామీద చూపు దయ కేమేమి చేయఁగలమో మాతరో తమకిలన్.
ప్రేమామృతంబువగు మామాతగా కొలుతు మోమంగళాకర సతీ!
భావము.
మంగళములకు స్థానమయిన ఓ సతీ మాతా! ఓ హైమా! హిమవంతుని
పుత్రికవైన ఓ శ్రీమాతా! నీ పాదములను ఏ మాత్రము భావించినను మాలో
కామాదులు తొలగిపోయి, క్షేమమనే అంఋతము మాకు లభించునుకదా తల్లీ!
ఈ భూమిపై ఎదే నిజమమ్మా. ఓ తల్లీ! ఈ పృథ్విపై మామీద నీవు చూపించే
దయకు ప్రతిగా మేము నీకేమి చేయగలమమ్మా? ప్రేమాంఋతమువైన నిన్ను
మా తల్లిగా ఆరాధింతుమమ్మా!
జైహింద్.
Print this post
వ్రాసినది
Labels:
0 comments:
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.