అష్టోత్తరశత సతీ అశ్వధాటి (సతీ శతకము). 65వ పద్యము. రచన. చింతా రామకృష్ణారావు. గానము ... శ్రీ కుమార సూర్యనారాయణ.

 జైశ్రీరామ్.

65. విద్వన్నుతుండనని సద్వర్తనుండనని, విద్వత్ప్రదా! సతము నన్ 

విద్వత్ ప్రభా కలిత విద్వాంసు లెన్నుటది విద్వన్మణీ! తమ కృపన్.

విద్వత్ప్రకాశమది సద్విద్యచేఁ గలుగు. విద్వాంసులందు తమరే

విద్వత్ కనంబరచి విద్వాంసుగా పొగడరే, ధ్వాంత నిర్జిత సతీ!

భావము.

పూర్తిగా జయించఁ బడిన అంధకారము గలిగిన ఓ సతీ మాతా! జ్ఞానమును 

ప్రసాదించు జననీ! ఓ విద్వన్మణీ! నీ యఈ కృప కారణముగానే 

జ్ఞానప్రభాకలితులు నన్ను పండితులచే నుతింపఁబడు 

వాడనని, సత్ప్రవర్తన కలవాడినని ఎన్నుదురు. విద్వత్తు యొక్క శోభ 

మంచి సత్ స్వరూపివయిన నీకు సంబంధించిన విద్య నభ్యసించుట 

చేత మాత్రమే సంభవించును. నాలో విద్వత్తును కనఁబడునట్లు 

అనుగ్రహించి, విద్వాంసునిగా నన్ను, మీరే  విద్వాంసులలో నిలిచి పొగడిరి 

కదా తల్లీ!

జైహింద్.

Print this post