జైశ్రీరామ్.
|| 8-21 ||
శ్లో. అవ్యక్తోऽక్షర ఇత్యుక్తస్తమాహుః పరమాం గతిమ్|
యం ప్రాప్య న నివర్తన్తే తద్ధామ పరమం మమ.
తే.గీ. ఇంద్రియాగోచరంబునై యెసగుచుండు
యరయ నవినాశమగు పరమాత్మ పథము
జేరుటుత్తమ మది ముక్తి జీవులకిడు,
నేనె యామార్గమర్జునా! ధీనిధాన!
భావము.
ఇంద్రియాలకు గోచరం కానిదీ, నాశనం లేనిదీ, అని చెప్ప బడిన
ఆ పరమాత్మ భావమే చేరవలసిన ఉత్తమ మార్గమని ఋషులు
చెబుతారు. దేనిని పొందితే ప్రాణులు జన్మించరో అదే ఆ సర్వోత్తమ
స్థానము, ఆ సర్వోత్తమ స్థానమే నేను.
|| 8-22 ||
శ్లో. పురుషః స పరః పార్థ భక్త్యా లభ్యస్త్వనన్యయా|
యస్యాన్తఃస్థాని భూతాని యేన సర్వమిదం తతమ్.
తే.గీ. అన్ని ప్రాణులునెవ్వనియందు కలవొ,
యంతటన్ గలడెవ్వడో యట్టి దైవ
మనుపములగుభక్తులకరయగను లభ్య
మగును, గ్రహియింపుమర్జునా! యభరవినుత!
భావము.
అర్జునా ఎవనిలో అన్ని ప్రాణులు ఉన్నాయో, ఎవరు అంతటా
వ్యాపించి ఉన్నారో ఆ పరమ పురుషుడు అనన్య భక్తి వలననే
లభిస్తాడు.
జైహింద్.
Print this post
వ్రాసినది
0 comments:
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.