కాళిదాసు కృత దేవీ అశ్వధాటిDevi Aswadhati 10 వివరణ.

జైశ్రీరామ్.

జైహింద్.

శ్లో:-

వందారు లోక వర సందయినీ విమల కుందావదాత రదనా!

బృందార బృంద మణి బృందారవింద మకరందాభిషిక్త చరణా!

మందానిలా కలిత మందారదామభి రమందాభిరామ మకుటా!

మందాకినీ జవన భిందాన వాచ మరవిం దాసనా దిశతు మే!  ౧౦.

సీ:-

వందనంబులు చేయు వర భక్త జనులకు

వరములనిచ్చెడి పార్వతమ్మ;

తెల్లనయిన బొండు మల్లెల పోలెడి 

దంతముల్ గలిగిన దక్ష కన్య.

దేవతల్ తలపూల దివ్య మరందమున్

అభిషిక్తమైనట్టి యద్భుత పద.

పిల్లగాలుల చేత చల్లగా కూర్చిన

మందారపు కిరీట మహిత జనని.

గీ:-

పద్మ మాసనమై యున్న భవుని రాణి;

వేగ మాకాశ గంగకు వేయి రెట్లు 

అధికమైనట్టి వాగ్ధాటి నమరఁ జేసి

నన్ను రక్షించి గాచుత సన్నుతముగ. 

భావము:-

నమస్కరించే భక్త జనానికి వరములిచ్చేదీ; నిర్మలమైన బొండు మల్లెల వంటి తెల్లటి పలు వరుస కలదీ; దేవతా సమూహపు కిరీట రత్న సమూహంతో ఉన్న పద్మాలలోని పూ తేనెలతో అభిషేకించబడిన పాదాలు కలదీ; పిల్ల గాలుల చేత చక్కగా కూర్చిన మందార పూల మాలికలతో మిక్కిలి మనోహరమైన కిరీటం గలదీ; పద్మమునాసనముగా గలదీ ఐన జగన్మాత ఆకాశ గంగ యొక్క వేగాన్ని అధిగమించే వాకును నాకు ఇచ్చును గాక. 

జైహింద్.

Print this post