నేడు హనుమజ్జయంతి సందర్భముగా బ్రహ్మశ్రీ ధూళిపాళ మహాదేవమణి గారి ప్రవచనము.

జైశ్రీరామ్.

బ్రహ్మశ్రీ ధూళిపాళ మహాదేవమణి.

 🌹  హనుమజ్జయంతి🌹

శ్రీ సువర్చలాంజనేయాయ నమః

📍 "రామాశ్లిష్ట వపు ర్నిధి ర్భవతి మే"📍

      "నూనంమదీయైవ తత్"

 📍"వార్ధే ర్లంఘన " 📍మత్ర నాస్త్యతిశయ

 స్తీర్ణోసి మద్వర్చసా "

 📍 "లంకా నిర్దహనం ? , సు‌రారి దమనం ?"📍

 "శౌర్యాణి వై మత్పతేః "

ఇత్థం హ్రీ కుసుమై ర్వివర్ధిత హనుః

 పాయా ద్ధనూమాన్ సదా .

 🌹🌹

రాముడు రావణ వధ చేసాక అయోధ్యకు వచ్చాడు.తనకు సహకరించిన 

వారినందర్నీ సంతోష పెట్టి ఇంటికి పంపిస్తూ హనుమను ప్రేమతో 

గాఢంగా కౌగిలించుకొన్నాడు. ఆపారశ్యంలో ఇంటికి వచ్చిన హనుమ 

భార్య సువర్చలతో 

  📍రామాలింగనం పొందిన ఈదేహం నాకు. మహాసంపద సుమా అంటూ 

గెంతులేస్తున్నాడు.

సువర్చల తన వాక్చాతుర్యంతో హనుమనుఆట పట్టించాలనుకొంది.

📍అవును .అది నాసంబంధమే.📍అంది.'రామా + ఆశ్లిష్ట "అని విడతీసి.

హనుమ భావంలో "📍రామ + ఆశ్లిష్ట "📍దాంతోహనుమ ఊరుకోక 

📍నూరుయోజనాలవిస్తృతి కల సముద్రందాటింది ఎవరు? 📍అన్నాడు.

సువర్చల నాతేజంవల్లే నువ్వు సముద్రం దాట కలిగావు " అంది.హనుమ 

సముద్రం పై ఎగరడానికి ముందు...

📍స సూర్యాయ మహేంద్రాయ...📍అని సూర్యునికి నమస్కరించడం 

వల్లే కదా దాట కలిగాడు?

హనుమ కొంచెం గట్టిగా 📍అంతటి లంకను కాల్చిందెవ‌రు ? 

అక్కడ రాక్షసుల్ని చావ

కొట్టిందెవ‌రూ?📍అన్నాడు.అప్పుడిక సువర్చల తెగీదాకా 

లాక్కూడదు అనుకొంది.

📍అవన్నీ నాభర్త గారి శౌర్యకృత్యాలు.నీగొప్ప ఏమిటి? అంది 

వ్యంగ్యంగా. 📍 అలా భార్యతనని పొగడగా హనుమ స్వామి బుగ్గలు 

సిగ్గు అనే పుష్పాలతో వికసించి పెద్దవయ్యాయి.దాంతో హనుమకు 

ఎత్తైన బుగ్గలు కలవాడు అనే అర్దంలో  

📍హనుమ 📍అన్న పేరు వచ్చింది. అట్టి హనుమ మనల్నందర్నీ

 రక్షించును గాక !

🌹🙏ధూళిపాళ మహాదేవమణి 🌹

మనోహరమయిన శుభాకాంక్షలందఁజేసిన బ్రహ్మశ్రీ మహాదేవమణి 

గారికి ధన్యవాదములు🙏

జైహింద్.

Print this post