భారతము(జయము) రత్న గర్భ.

శ్లో:-

యథా సముద్రో భగవాన్ యథా మేరుర్ మహా నగ:

ఉభౌ ఖ్యాతౌ రత్న నిధయ: తథా భారత ముచ్యతే.

క:-

రత్నములకు నిధి సంద్రము.

రత్నములకునిధి సుమేరు. రాజిలు రెండున్

రత్నములను! భారతమును

రత్నమయము తలప! భరత రత్నమె జయమౌన్.

(జయము=సంస్కృత భారతాన్ని జయము అంటారు)

భావము:-

సముద్రము మేరు పర్వతము రెండూ రత్న నిధులు అని ప్రసిద్ధి. భారతం ఆ రెంటి వంటిది.

ద్వాపరయుగంలోని వృత్తాంతాలకి తార్కాణంగా నిలిచిన భారత పురాణం నిండా మానవ జీవన సరళిని ప్రదీపింపఁజేసే అనర్ఘ రత్నాలు కోకొల్లలు.

ఏనాడైనను వెఱ్ఱి తలకెక్కిన వితండోద్దండ పండితోత్తముండతడెవ్వడేని విపరీత వ్యాఖ్యలు చేసినను ఆ వ్యాఖ్యలు కాల గర్భమున కలిసిపోవునవే కాని మహద్గ్రంథమైన భారతానికి మచ్చ వాటిల్లదు కదా!

జైహింద్.

Print this post