ఆ చక్రపాణి ఆంధ్రామృతముఁ గ్రోలు పాఠకులను రక్షించుఁ గాక!

శ్లో:-  

అంగుల్యాకః కవాటం ప్రహరతి కుటిలే? మాధవః, కిం వసంతః? 

నో చక్రీ, కిం కులాలో? నహి ధరణిధరః, కిం ద్విజిహ్వః ఫణీంద్రః?

నాహం ఘోరాహి మర్దీ, కిమసి ఖగపతిః? నో హరిః, కిం కపీంద్రః?

ఇత్యేవం గోపకన్యా ప్రతివచన జితః పాతువశ్చక్రపాణిః! 

 . . .  .. . . సీll

గోపకన్య:- అంగుళులను దల్పు నదిమి కొట్టె నెవరు?

చక్రపాణి:- మాధవుఁడను నేను. మఱచితివటె?

గోపకన్య:- నీవు వసంతుఁడా? 

చక్రపాణి:- నేను చక్రిని గదే.

గోపకన్య:- భువిఁ గుమ్మరివ నీవు?  

చక్రపాణి:- భూధరుండ. 

గోపకన్య:- కాళీయుఁడా నీవు?

చక్రపాణి:- కాళీయ మర్దుఁడ.

గోపకన్య:- ఖగ పతివా నీవు?  

చక్రపాణి:- కాదు. హరిని. 

గోపకన్య:- కోతి రాజు వయిన గోపిక నీకేల,

 . . . . . . . చెట్టుపై నుండుమా! చిలిపివాఁడ!

 . .  . .  . . గీll

 . . . . . . . అనుచు శ్రీహరి గోపిక లాది మఱచి

 ..  . . . . . సరస సంభాషణలఁ దేలు సమయమందు.

 . . . . . . . భ్రాంతి నాంధ్రామృతముఁ గ్రోలు పాఠకులను

 . . . . . . . కాచి రక్షించుఁ గావుత! కరుణఁ జూపి.

ఈ శ్లోకాన్నందించిన శ్రీ భైరవభట్ల కామేశ్వరరావు గారికి ధన్యవాదములు.

జైహింద్.

Print this post