దానేన తుల్యో నిధిరస్తి నాన్యో...... మేలిమి బంగారం మన సంస్కృతి.

జైశ్రీరామ్. 

శ్లో.  దానేన తుల్యో నిధిరస్తి నాన్యో

లోభాచ్చ నాన్యోఽస్తి రిపుః పృథివ్యామ్।

విభూషణం శీలసమం నచాన్యత్

సన్తోషతుల్యం ధనమస్తి నాన్యత్॥ (పఞ్చతన్త్రమ్)

తే.గీ. దానమునకు మించెడి నిధి  ధరను లేదు,

లేదు లోభమునకు మించు రిపువు కనఁగ,

శీలమును మించు భూష నీ మ్రోల లేదు,

సంతసమును మించు ధనము సఖుఁడ! లేదు.  

భావము. ఈ భూమిపై దానముతో సమానమైన ఇతర నిధి లేదు. 

లోభముతో సమానమయిన శత్రువు లేడు. శీలముతో సమానమైన 

ఇతర ఆభరణము లేదు. సంతోషముతో సమానమైన వేరే ధనము లేదు.

జైహింద్.

Print this post