శ్రీ అష్టోత్తర శత సతీ అశ్వధాటి. (సతీ శతకము) 4వ పద్యము.

22, మార్చి 2022, మంగళవారం

జై శ్రీరామ్.

జైశ్రీమాత్రే నమః.🙏

4. శక్తి ప్రదాతవని ముక్తిప్రదాతవని భక్తిన్ నినున్ గొలిచెదన్

భక్తాగ్రగణ్యులు విముక్తిన్ గనన్ మిగుల రక్తిన్ నినున్ గొలుతురే.

రక్తాక్షివై దురిత శక్తిప్రపూర్ణులను రక్తంబు చిందఁ గనుమా.

యుక్తంబు లిచ్చుచు నయుక్తంబులన్ దరుము యుక్తిప్రదా వర సతీ!

భావము.

ఓ శ్రేష్టురాలివైన సతీమాతా! నీవు శక్తిని, ముక్తిని కలుగఁజేయు తల్లివని భక్తితో

నిన్ను కొలిచెదను. గొప్ప భక్తులు ఈ సంసార బంధములనుండి విముక్తి

పొందుట కొఱకు మెక్కిలి అనురక్తితో నిన్ను సేవించుదురు కదా. దుర్మార్గుల

విషయమున నీవు కన్నులు కోపములురక రక్తము చిందువిధముగా

శిక్షింపుము. ఓ యుక్తిని ప్రసాదించు తల్లీ! మాకు అనుభవింపఁదగినవే

ప్రసాదింపుము. అయుక్తములయినవాటిని పోఁగొట్టుము.

🙏

అమ్మకు వందనములతో

రచన చింతా రామకృష్ణారావు.

గానం శ్రీ కుమార సూర్యనారాయణ. విజయవాడ.

జైహింద్.

ఆంధ్రామృత బ్లాగ్ వీక్షకులకు ధన్యవాదములు.

ఆంధ్రామృతం