కర్మ బ్రహ్మోద్భవం విద్ధి ..|| 3-15 ||..//..ఏవం ప్రవర్తితం చక్రం..|| 3-16 ||..//..శ్రీమద్భగవద్గీత 3వ అధ్యాయము. కర్మయోగము.

 జైశ్రీరామ్.

శ్రీమద్భగవద్గీత

3వ అధ్యాయము.  కర్మయోగము.

|| 3-15 ||

శ్లో. కర్మ బ్రహ్మోద్భవం విద్ధి బ్రహ్మాక్షరసముద్భవమ్|

తస్మాత్సర్వగతం బ్రహ్మ నిత్యం యజ్ఞే ప్రతిష్ఠితమ్.

తే.గీ. బ్రహ్మచే కర్మ కలిగెను, బ్రహ్మ చూడ

మహిత పరమేశుచేఁ గల్గె, మదిని గాంచ

సర్వమున వ్యాప్తుఁడై వెల్గు శక్తి యతఁడె

యజ్ఞమందు ప్రతిష్ఠితుం డరయ నతఁడె.

భావము.

కర్మ బ్రహ్మదేవుని వలన జనించినది. ఆ బ్రహ్మ అనంతమైన పరమాత్మ వలన 

ఉద్భవించెను. కాబట్టిసర్వ వ్యాపకమగు పర బ్రహ్మము నిత్యమూ యజ్ఞములో 

ప్రతిష్టితమై యుండునని తెలుసుకొనవలయును.

|| 3-16 ||

శ్లో. ఏవం ప్రవర్తితం చక్రం నానువర్తయతీహ యః|

అఘాయురిన్ద్రియారామో మోఘం పార్థ స జీవతి.

తే.గీ. ఇట్టి భ్రమియించు చక్రము నెవఁడు భువిని

యనుసరించఁడొ పాపి తా నర్జున! కన

నింద్రియములకు లోనౌచు నెన్న రాని

పాపి, నిజమిది కను మది భ్రాంతివీఢి.

భావము.

ఇలా పరిభ్రమించే చక్రాన్ని అనుసరించని వాడు పాపి, ఇంద్రియలోలుడు,

అర్జునా;అతడుజీవించడం వ్యర్ధం.

జైహింద్. 

Print this post