ప్రసాదో యస్య వదనే ... మేలిమి బంగారం మన సంస్కృతి,

జైశ్రీరామ్.

శ్లో. ప్రసాదో యస్య వదనే కృపా యస్యావలోకనే 
వచనే యస్య మాధుర్యం స సాక్షాత్పురుషోత్తమః. 
గీ. సుప్రసన్న ముఖాబ్జపు శోభ తోడ,
జాలు వారెడు చూపుల జాలి తోడ, 
తీయనైనట్టి మాటల తీరు తోడ 
నొప్పునాతడె శ్రీహరి. గొప్ప వాఁడు. 
భావము. ఎవని ముఖంలో ప్రసన్నత గోచరిస్తుందో, ఎవని చూపులలో దయ జాలువారుతూ ఉంటుందో, ఎవని మాటలలో తీయదనం ఉంటుందో అతడు సాక్షాత్తు పురుష శ్రేష్ఠుడే. (విష్ణువే). 

జైహింద్.

Print this post