గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

15, సెప్టెంబర్ 2014, సోమవారం

సత్యం తపో జ్ఞానమహింసతా చ ... మేలిమి బంగారం మన సంస్కృతి,

జైశ్రీరామ్.
శ్లో. సత్యం తపో జ్ఞానమహింసతా చ ,విద్వత్ప్రణామం చ సుశీలతా చ 
ఏతాని యో ధారయతి స విద్వాన్ , న కేవలం యః పఠతే స విద్వాన్ .
గీ. సత్య తపములు, జ్ఞానమ్ము, సత్ప్రశంస, 
వినయ విద్వాంసమన్నన విజ్ఞతయును, 
శీల సంపత్తి, గల యట్టి మేలి మగడె 
విబుధుఁడనఁ జెల్లు. నితరులు విబుధ భృవులె.
భావము. సత్యము, తపస్సు, జ్ఞానము, అహింస, విద్వాంసులకు వినయంతో నమస్కరించటం, స్వచ్ఛమైన శీలము ఎవనికి ఉంటాయో అతడే విద్వాంసుడు. కేవలం చదువుకున్నవాడు విద్వాంసుడు కాడు. 
జైహింద్.
Print this post

0 comments:

వ్యాఖ్యను పోస్ట్ చెయ్యండి

ఆంధ్రామృత బ్లాగ్ వీక్షకులకు ధన్యవాదములు.