ఛాయామన్యస్య కుర్వంతి ... మేలిమి బంగారం మన సంస్కృతి,

జైశ్రీరామ్.

శ్లో. ఛాయామన్యస్య కుర్వంతి తిష్ఠంతి స్వయమాతపే 
ఫలాన్యాపి పరార్థాయ వృక్షా: సత్పురుషా: ఇవ . 
క. పరులకు నీడగ నిల్చుచు, 
తరువులు తామెండలోన తపియించునటుల్ 
నిరుపమ సేవను పరులకు 
కరుణాత్ములు చేసి తాము గాంతురు వెతలన్.
భావము. వృక్షాలు తమ నీడను అన్యులకు ఇస్తూ , తాము స్వయంగా ఎండలో నిలబడుతున్నాయి. సత్పురుషుల వలె తమ ఫలములను కూడా పరులకే ఇస్తున్నాయి. 

జైహింద్.

Print this post