అనిత్యాని శరీరాణి, ...మేలిమి బంగారం మన సంస్కృతి.

 జైశ్రీరామ్.

శ్లో.  అనిత్యాని శరీరాణి, విభవో నైవ శాశ్వతః ౹

నిత్యం సన్నిహితో మృత్యుః, కర్తవ్యో ధర్మ సంగ్రహః ౹౹

కం.  నిత్యంబు కాదు దేహము,

నిత్యంబులు కావయ ధరణిని విభవంబుల్,

మృత్యువు చేరువనుండును,

నిత్యముధర్మార్జనంబు నెరపఁగవలయున్.

భావము.        

మన దేహాలు శాశ్వతము కావు. నాశనం పొందుతాయి. అటులనే 

మన వైభవాలు కూడా శాశ్వతం కావు. చావు ఎపుడు మనకు 

దగ్గరగా ఉంటుంది. కావున ధర్మమును సంగ్రహించుట మన కర్తవ్యము.

చింతా రామకృష్ణారావు.

జైహింద్.

Print this post