అంజలిస్తాని పుష్పాణి...మేలిమి బంగారం మన సంస్కృతి.

 జైశ్రీరామ్.

శ్లో. అంజలిస్తాని పుష్పాణి

వాసయంతి కరద్వయం ౹

అహో సుమనసాం

ప్రీతిర్వామదక్షిణయో: సమా౹౹

తే.గీ.  కరములన్ జేరు పుష్పముల్ కలుగఁ జేయు

రెండు చేతులకున్ దావి మెండుగటులె

మంచివారిని చెడువారనెంచకుండ

ప్రేమగా జూతురందరిన్ ధీమహితులు.

భావము.       

చేతిలో ఉన్న పువ్వులు భేదం లేకుండా రెండు చేతులను 

సుగంధ భరితంగా చేస్తాయి. అలాగే సహృదయులు చెడ్డవారని, 

మంచివారని బేధం లేకుండా సమంగా ప్రేమిస్తారు.

జైహింద్.

Print this post