కాకః కృష్ణః పికః కృష్ణః ....మేలిమిబంగారం మన సంస్కృతి.

 జైశ్రీరామ్.

శ్లో.  కాకః కృష్ణః పికః కృష్ణః 

కో భేదః పికకాకయోః! 

వసంతకాలే సంప్రాప్తే

కాకః కాకః పికః పికః!!

తే.గీ.  నలుపుగానుండు కాకము, నలుపు పికము,

రెంటికిని గల భేద మేక్రియను గనుట?

వచ్చినపుడు వసంతము వ్యక్తమగును

కాకపికముల భేదంబు, గరుఁడ గమన!

భావము. 

కాకి నల్లగా ఉంటుంది.  కోకిల కూడా నల్లగా ఉంటుంది. 

కాని వసంత కాలంలో కాకి గొంతులోని కాఠిన్యం, కోకిల గొంతులోని 

మాధుర్యం సులువుగా గుర్తించవచ్చు.

🙏

చింతా రామకృష్ణారావు.

జైహింద్.

Print this post