యత్తదగ్రే విషమివ పరిణామే - ...18 - 37...//... విషయేన్ద్రియ సంయోగాద్య - ...18 - 38,,,//.....అథాష్టాదశోధ్యాయము - మోక్షసంన్యాసయోగము

 జైశ్రీరామ్

శ్లో.  యత్తదగ్రే విషమివ పరిణామేऽమృతోపమమ్|

తత్సుఖం సాత్త్వికం ప్రోక్తమాత్మబుద్ధిప్రసాదజమ్. || 18-37 ||

తే.గీ. తొలుత దుఃఖమయమ్ముగాఁ దోచి సుఖము

కడకుఁ గొల్పునో, శాంతిచే కలుగు మనకు

నట్టి సుఖము సాత్వికమగు నరయపార్థ!

నీవు గ్రహియింపుమియ్యది నేర్పు మీర.

భావము.

ఏ సుఖమైతే మొదట విషంగా తోచి, చివరకు ఏది అమృతమగునో, ఏది శాంతించిన 

బుద్ధి వలన లభించునో అది సాత్విక సుఖము.

శ్లో.  విషయేన్ద్రియ సంయోగాద్యత్తదగ్రేऽమృతోపమమ్|

పరిణామే విషమివ తత్సుఖం రాజసం స్మృతమ్. || 18-38 ||

తే.గీ.  కనగ విషయేంద్రియంబుల కలయికవల

న మొదటమృతమ్ము, తుదికి విషముగ నగునొ

రాజసికసుఖమది పార్థ!  భూజనులకు

నీవు గ్రహియింపుమా యిది నేర్పు మీర.

భావము.  

విషయాలు ఇంద్రియాలు సంయోగం వలన మొదట అమృతప్రాయంగా ఉండి,

చివరికి విషము వలె అగునది రాజసిక సుఖము.

జైహింద్.

Print this post