తం తథా కృపయావిష్ట..2 - 1..//..కుతస్త్వాకశ్మలమిదం..2 - 2..//..సాంఖ్యయోగము.

 జైశ్రీరామ్. 

ఓం నమో భగవతే వాసుదేవాయ.

శ్రీమద్భగవద్గీత

రెండవ అధ్యాయం సాంఖ్యయోగం

సంజయ ఉవాచ:

సంజయుడుఅనుచున్నాడు.

శ్లో. తం తథా కృపయావిష్ట మశ్రుపూ ర్ణాకులేక్షణమ్ |

విషీదం త మిదం వాక్య మువాచ మధుసూదనః || 1

తే.గీ.  కలతఁ జెందుచు కన్నీరు కార్చుచున్న

యర్జునుని జూచి శ్రీకృష్ణుఁడనియెనిట్లు. 

మానవాళికి మార్గంబు మహిత గతిని

జీవనము సాగ గీతను చెప్పఁ బూని.

భావము.

దయామయుడైన అర్జునుడు కన్నీరు కారుస్తుండగా 

శ్రీ కృష్ణపరమాత్మ ఇలా అన్నాడు.

శ్రీ భగవానువాచ:

శ్రీకృష్ణుఁడనుచుండెను.

శ్లో. కుతస్త్వాకశ్మలమిదం విషమే సముపస్థితమ్ |

అనార్యజుష్టమస్వర్గ్యమకీర్తికరమర్జున || 2 

తే.గీ.  ఆర్యధర్మ విరుద్ధంబు, ననుచితమగు

ఘోరమైనట్టి యపకీర్తి కోరుకొనుచు

నరక దుష్ప్రాప్తిహేతువౌ దురిత బుద్ధి

పొడమె నీకెటు లర్జునా? మూర్ఖుఁడవొకొ? 

భావము.

అర్జునా! ఈ సంక్లిష్ట సమయంలో ఆర్యధర్మ విరుద్ధమూ, అపకీర్తి 

దాయకమూ, నరకప్రాప్తి హేతువూ అయిన ఈ పాడుబుద్ధి నీ కెందుకు పుట్టింది? 

జైహింద్.

Print this post