గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

8, జనవరి 2022, శనివారం

ఉత్సన్నకులధర్మాణాం.. ||1-44||..//..అహో బత మహత్పాపం.. ||1-45||..//..అర్జున విషాద యోగము.

 జైశ్రీరామ్.

శ్లో.  ఉత్సన్నకులధర్మాణాం మనుష్యాణాం జనార్దన |

నరకే నియతం వాసో భవతీత్యనుశుశ్రుమ ||1-44||

కం.  కులధర్మమువీడిన లో

కులు నరకము పొంది మిగుల కుములుదురటగా

కలకాలము,, వింటినటుల,

జలజాతేక్షణ! ముకుంద! సజ్జన పూజ్యా!

భావము.

జనార్ధనా కులధర్మాలు తొలగిపోయిన మనుష్యులు కలకాలం 

నరక వాసులౌతారని విన్నాము. 

శ్లో.  అహో బత మహత్పాపం కర్తుం వ్యవసితా వయమ్ |

యద్రాజ్యసుఖలోభేన హన్తుం స్వజనముద్యతాః ||1-45||

ఆ.వె.  అకట! రాజ్య సుఖమునాశించి యిప్పుడు

స్వజనులను వధింప నిజముగానె

సిద్ధపడితిమికద, ఛీయెంత పాపంబు

చేయఁ బూనితిమిగ, శ్రీముకుంద!

భావము.

అకటా! రాజ్య సుఖం కోసం స్వజనాన్ని వధించడానికి సిద్ధమైన 

మనం ఎంతటి మహాపాపానికి ఒడి గట్టుతున్నాము.

జైహింద్ 


Print this post

0 comments:

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.