ఉత్సన్నకులధర్మాణాం.. ||1-44||..//..అహో బత మహత్పాపం.. ||1-45||..//..అర్జున విషాద యోగము.

 జైశ్రీరామ్.

శ్లో.  ఉత్సన్నకులధర్మాణాం మనుష్యాణాం జనార్దన |

నరకే నియతం వాసో భవతీత్యనుశుశ్రుమ ||1-44||

కం.  కులధర్మమువీడిన లో

కులు నరకము పొంది మిగుల కుములుదురటగా

కలకాలము,, వింటినటుల,

జలజాతేక్షణ! ముకుంద! సజ్జన పూజ్యా!

భావము.

జనార్ధనా కులధర్మాలు తొలగిపోయిన మనుష్యులు కలకాలం 

నరక వాసులౌతారని విన్నాము. 

శ్లో.  అహో బత మహత్పాపం కర్తుం వ్యవసితా వయమ్ |

యద్రాజ్యసుఖలోభేన హన్తుం స్వజనముద్యతాః ||1-45||

ఆ.వె.  అకట! రాజ్య సుఖమునాశించి యిప్పుడు

స్వజనులను వధింప నిజముగానె

సిద్ధపడితిమికద, ఛీయెంత పాపంబు

చేయఁ బూనితిమిగ, శ్రీముకుంద!

భావము.

అకటా! రాజ్య సుఖం కోసం స్వజనాన్ని వధించడానికి సిద్ధమైన 

మనం ఎంతటి మహాపాపానికి ఒడి గట్టుతున్నాము.

జైహింద్ 

Print this post