ఇలాంటి మనోహర్లేందరో ఇంకా పుట్టుకోస్తూనేవుంటారు.

దారుణం. మహాదారుణం . వరంగల్ లో స్వప్నిక మీద ఏసిడ్ దాడి మహా రాక్షసం. మానవ మృగాల సంచారాన్ని కళ్ళకు కట్టిస్తిన్న ఘోర సంఘటన. ఏమిటీ దారుణం? ఎక్కడున్నాం మనం? ఎలా బ్రతకాలి మనం. రక్షణేది? కట్టుబాట్లేవి? ఎక్కడుంది లోపం? ఎవరిని నిల దీయాలి మనం? ఏసిడ్ దాడి చేసిన శ్రీనివాస్ నా? మా అబ్బాయికి బుద్ధి చెబుతాం. ఇంక మీ జోలికి రాడు అని స్వప్నిక తల్లి దంద్రులను సముదాయించిన శ్రీనివాస్ తల్లిదండ్రులనా? లిఖితపూర్వకంగా రిపోర్టిచ్చినా ఆ శ్రీనివాస్ పై ఏవిధమైన తగు భద్రతా చర్య తీసుకోవడంలో విఫలమైన పోలీస్ యంత్రాంగాన్నా? చట్టంలో నున్న లొసుగులనా? పోలీసులేదైనా చర్యతీసుకొనగానే వారిపై విరుచుకు పడే మానవ హక్కుల సంఘాల్నా? న్యాయం తెలిసి, చెప్ప గలిగి కూడా కనులున్న గ్రుడ్డి వారిలా ప్రవర్తించే సమాజాన్నా? సమాజం అలా వుండి పోవడానికి కారణమైన ఒత్తిడుల్నా? ఒకవేళా ఎదిరిస్తే తనకేం ప్రమాదం ముంచుకొస్తుందో ననే భయవిహ్వలులయేలా చేస్తున్న సామాజిక అభద్రతా పరిస్థితులనా? ఎవరి ననాలి? ఎవరిని నిలదీయాలి?

ఆనాడు మనోహర్ను కఠినాతి కఠినంగా పబ్లిగ్గా వురి తీసి వుంటే, లేదా వాడు దాడి చేసిన పద్ధతిలోనే వాడిపై దాడి చేసి వుంటే, కాలుకి కాలు, రెక్కకి రెక్క, తీసే పద్ధతే అనుసరించి వుంటే ఈ నాడు ఇలాంటి మనోహర్లు పుట్టుకొచ్చేవారా? లేదు . ఎవరికీ అక్కరలేదు. ఇలా మహిళలు కల కాలం అబలలుగానే మిగిలిపోతూ ప్రాణాలను పణంగా పెట్టవలసి వస్తున్నా ఎవ్వరికీ అక్కరలేదు. న్యాయం, ధర్మం, నీతి, ఈమాటలు వల్లెవేసేవారే అందరూ. అంప శయ్యపై యమయాతన ననుభవించిన భీష్ముడిలాగా స్వప్నిక, ఆమె సహచాణి, వైద్య శాలల్లో నరక యాతన ననుభవిస్తుంటే మాత్రం కళ్ళప్పగించి చూస్తున్నవారే తప్ప, డ్రాష్టిక్ ఏక్షన్ తీసుకొన్నవారెవ్వరు?

చూడండి పాపం ఆ స్వప్నిక తల్లి దండ్రుల్ని. న్యాయ పాఠాలు వల్లె వేసే వారేవరైనా వారి బాధను తీర్చ గలరా? వారి కక్షైనా తీరే విధమైన చర్య పోలీసులు తీసుకొంటే శభాష్ అనేవారెందరున్నా " ఏమిటీ దారుణం? మానవత్వ మక్కరలేదా, కాలుకి కాలు, చేయికి చేయి తీశేయాలనుకొంటే మనం మనుషులమా? పశువులమా. " అంటూ ఎదిరించే వారు ఎందరు లేరు? . వారితో గళం కలిపే వారెందరు లేరు. అందుకే ఈ పరిస్థితినెవ్వరూ మార్చలేకపోతున్నారు.

ప్రభుత్వం మానవ హక్కుల పరిరక్షణ కొరకు కఠినాతి కఠినమైన చర్యలు చట్ట రీత్యా చేపట్టాలి. అవసరమనుకొంటే చట్టాలను సవరించాలి. ఒక కోర్టులో ఒక శిక్ష వేస్తే మరో కోర్టులో మొదటి కోర్టు తీర్పుతో సంబంధం లేని తీర్పు చెబుతుంది. అది ఆ కోర్టు తప్పని ఎవ్వరం అనలేము. ఈ విషయంలో లాయర్లు వారికాత్మంటూ వుంటే తప్పక పరిశీలన చేసుకోవాలి. న్యాయాధిపతి ఎవరయినా న్యాయవాది వాదపటిమపై అధారపడే తీర్పునివ్వక తప్పదు. న్యాయ వాదుల వాదనా పటిమను బట్టే శిక్షలు వేయ బడుతున్నాయి గాని న్యాయ పరిరక్షణ చేస్తూ శిక్షలు వేయబడడం లేదు. చలా,... చాలా చాలా బాధగా వుంది

ప్రభుత్వము, సమాజము, సంఘము, తల్లిదండ్రులు, ఎవరెవరేయే తీరుగా ప్రవర్తించడం ద్వారా ఈ దౌర్భాగ్య స్థితి పునరావృతం కాకుండా వుటుందో దయతో ఇదంతా అవగాహన చేసుకొనిన మీరయినా సూచించండి మీ లేఖల ద్వారా. నాకు చాలా దుఃఖం వచ్చెస్తోంది. ఇంకా ఎంతో వ్రాయాలని ఉన్నా వ్రాయలేకపోతున్నందుకు క్షమాపణలు వేడుకొంటున్నాను. మానవ మృగాల దౌష్ట్యాలకు గురయి దుఃఖ సాగరంలో ములిగి పోయిన అభాగ్యులందరికీ నా సాను భూతిని తెలియజేస్తున్నానే తప్ప నేనూ ఏమీ చేయలేకపోతున్నందుకు శిరస్సు వంచుకొని, సమాజంలో దోషిలా నిలబడి వున్నాను.
నమస్తే Print this post