ఆరోగ్యం భాస్కరా దిచ్ఛేత్. మేలిమి బంగారం మన సంస్కృతి 42

ఆరోగ్యాదులనిచ్చే దేవతలు:-
మనకు ఆరోగ్యము, సంపద, జ్ఞానము, మోక్షము, వాంఛనీయము. వాటిని ఏయే దేవతల అనుగ్రహం వలన పొంద వచ్చో ఈ క్రింది శ్లోకం వివరిస్తోంది చూడండి.
శ్లో:-
ఆరోగ్యం భాస్కరా దిచ్ఛేత్.
ధన మిచ్ఛే ద్ధుతాశనః.
జ్ఞానం మహేశ్వరా దిచ్ఛేత్.
మోక్ష మిచ్ఛే జ్జనార్దనః.
తే:-
సూర్యు డారోగ్యమిచ్చును సుజనులార!
సంపదలనగ్ని యొసగును. సరసులార!
జ్ఞాన మీశ్వరుడిచ్చును. జ్ఞానులార!
మోక్షమిచ్చుజనార్దనుండక్షయముగ.
భావము:-
మనకు ఆయువు నొసగు వాడు సూర్య భగవానుడు. సంపదల నొసగు వాడు అగ్ని. జ్ఞాన మొసగు వాడు మహేశ్వరుడు . మోక్ష మొసగు వాడు జనార్దనుడు.

మనము ఆయా దేవతల నుపాసించి ఆయువును, సంపదను, జ్ఞానమును, మోక్షమును పొంద వచ్చును. మరి ఆయా దేవతల నుపాసించడం ద్వారా ఆ నాల్గింటినీ పొందుదామా?

జైహింద్.

Print this post