జైశ్రీరామ్.
|| 11-37 ||
శ్లో. కస్మాచ్చ తే న నమేరన్మహాత్మన్
గరీయసే బ్రహ్మణోऽప్యాదికర్త్రే|
అనన్త దేవేశ జగన్నివాస
త్వమక్షరం సదసత్తత్పరం యత్.
తే.గీ. శ్రేష్టుడవు, బ్రహ్మతాతవు, జీవకోటి
మోకరిల్లకెట్లుండును? మూలమయిన
యక్షరుండవు శ్రీకృష్ణ?యమరవినుత!
నిన్ను మించిన సృష్టి యేమున్నదయ్య.
భావము.
ఓమహాత్మా! నీవు సర్వశ్రేష్ఠుడవు. సృష్టికర్తయైన బ్రహ్మకే
మూలకారకుడవు - కనుక వారు (సిద్దాదులందఱును) నీకు
నమస్కరింపక ఎట్లుండగలరు? ఓ అనంతా! ఓ దేవేశా!
ఓ జగన్నివాసా! సత్-అసత్లు నీవే. వాటికంటెను పరమైన
అక్షరస్వరూపుడవు అనగా సచ్చిదానందఘనపరబ్రహ్మవు నీవే.
|| 11-38 ||
శ్లో. త్వమాదిదేవః పురుషః పురాణస్-
త్వమస్య విశ్వస్య పరం నిధానమ్|
వేత్తాసి వేద్యం చ పరం చ ధామ
త్వయా తతం విశ్వమనన్తరూప
తే.గీ. ఆదిదేవుండవేనీవనంతరూప!
హరి! సనాతనుడవు పరమాశ్రయుడవు,
సర్వమెరిగినట్టి సకలపతివి,
జగతికాశ్రయుండవు నీవు నిగమవేద్య!
భావము.
ఓ అనంతరూపా! నీవు ఆదిదేవుడవు, సనాతనపురుషుడవు,
ఈజగత్తునకు పరమాశ్రయుడవు. సర్వజ్ఞుడవు, సర్వవేద్యుడవు.
ఈ జగత్తు అంతయును నీచే పరిపూర్ణమైయున్నది.
జైహింద్.
Print this post
వ్రాసినది
0 comments:
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.