వ్యాఘ్రీవ తిష్ఠతి జరా పరితర్జయంతి. మేలిమి బంగారం మన సంస్కృతి191.

జైశ్రీరామ్.

శ్లో. వ్యాఘ్రీవ తిష్ఠతి జరా పరితర్జయంతి రోగాశ్చ శత్రవ ఇవ ప్రహరంతి దేహం
ఆయుః పరిస్రవతి భిన్నఘటాదివాంభో లోకస్తథాప్యహితమాచరతీతి చిత్రమ్!

క. పులి వలె వృద్ధత పయిఁబడు

పలు రోగములావహించు. పగిలిన కుండన్

నిలువని నీరటులాయువు

తొలగును. మరి దుష్ట బుద్ధి తొలగదదేలో?

భావము. ముసలితనం ఆడపులిలా చూపుడు వ్రేలితో బెదిరిస్తోంది.శత్రువుల్లా రోగాలు దేహాన్ని  దెబ్బ తీస్తున్నాయి. పగిలినకుండలోని నీళ్ళలా ఆయుర్దాయం తరిగిపోతోంది.ఐనప్పటికీ లోకం అహితకార్యాలు చేస్తూ ఉండటమే ఆశ్చర్యం!

జైహింద్.

Print this post