జైశ్రీరాం.
గోపురభంధకందము.
శ్రీయే కరుణన్ వరముగ - నీ
యోగము నిచ్చె మనకు. నిల తెలు గను సు
జ్ఞేయ మధువులు గొనుడనుచు -
న్యాయోద్భాస తెలు గే మహా ఘనమెన్నన్ !
నక్షత్ర బంధ కందము:- ( మధురమగు జాను తెలుగు)
మన సుధ, నుతుల తెలుగు నే
- రని జనులు కలుగు ! మది రగులు. విన జా
లను. నుతమౌ మధురాక్షర -
తెనుగు లులివడె. మన తెలుగు దిగ జారుటయా?
శ్రీ చక్ర బంధ తేటగీతి
వెఱపు బాపరా! శ్రీ ధరా! వేడుదింతె!
- గజ సురక్షకా! శ్రీశ! నిన్ గాంచగాను
యజ్వ కాలేను. శ్రీ మనోహార్య!
మేలు - వెలుగజేయగ తెల్గును వేలుపీవె.
చతురంగ బంధ కందము.
ప్రగణిత సుకవుల వసుధను - పొగడుడయ, మధుర కవికుల బుధు రహి కృపలున్
తగు కమల నయను గతి విన - నగు. మధు కవితలు తెలుగున నసదృశము కనన్.
ఛురికా బంధ కందము
శ్రీని గనితిని శుభాక్షిని
- ధీనిధిని తెలుంగు భాష తేజమునందే.
దేనికి నింతటి కాంతి? సు - ధీ నిధి మనకబ్బె నెలమి. దివ్యము కాదే?
క. శుభ కరముఁగ జరిగిన యీ - సభలోని ప్రపంచ తెలుగు సభికులకెల్లన్
శుభమగు కావుత! వేంకట - విభు దీవన లందు గాత విరివిగ నెపుడున్ .
జైహింద్.
వ్రాసినది
Labels:
1 comments:
నమస్కారములు
సరస్వతీ పుత్రులకు సాధ్యం కాని దేముంది ? " గొపుర , నక్షత్ర , చక్ర , చతురంగ ,చురికా , బంధములు , విన సొంపుగా , శ్రోతలను అలరించి ఉంటాయి. అదృష్ట వంతులు . అందునా తిరుమ లేశుని సన్నిధిలో మరింత వెలుగు విరజిమ్మడం ముదావహం.బ్లాగులో మాకందించి నందులకు ధన్య వాదములు పండితులు శ్రీ చింతా వారికి హృదయ పూర్వక శుభాబి నందనలు
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.