జయ భారత మాతా! {దేశ భక్తి గీతం.}

భారత మాతా ! జయ భారత మాతా !
శ్రీకర శుభకర గురుతర భగ్యవిధాతా భారత:::::: !

కథా కథన విధులలోన నిధి యని ధర పేరు గన్న
హరి కథకుడు ఆదిభట్ల నారాయణు గన్న తల్లి! భారత ::::::::: !

అధునాతన భావ కవితనందించిన గురజాడను
బహుముఖ ప్రజ్ఞాన్వితకవి విశ్వ నాధు గన్న తల్లి. భారత::::::: !

సంఘంబున క్రుళ్ళు బాప సద్రచనలు నవలలోన
రయమున వెలయించిన వీరేశలింగమును కంటివి. భారత ::::::: !

నీమహిమ యనన్యమమ్మ నీశక్తి యసాధ్యమమ్మ.
నీ కడుపున జన్మింపగనీయుమమ్మ యెన్నటికిని. భారత:::::::!

రచన:చింతా. రామకృష్ణా రావు.

Print this post