శివశంకర వృత్త గర్భ సీసము .. .. .. చిత్ర బంధ గర్భ కవితాదులు.,

 జైశ్రీరామ్.

ఓం నమో భగవతే వాసుదేవాయ.

శివశంకర వృత్త గర్భ సీసము. 

జయవర్ధన, మహితాశ్రయ సరసాత్ముఁడు - హరియే కదామన కనరె బుధులు?

ప్రియ దైవము మన కోరిక వినయాత్మున కొసగున్ - మహత్ కామ్యమొనరఁగూర్చు.

నయమార్గము కరుణామయ నవతేజము లొసగున్ - మహద్ధాత్రిననితరముగ.

భయభక్తుల పరదైవము పదసేవయె - శుభమౌన్ - పరాత్పరుఁజూడనగును.

తే.గీ. ప్రియ కవీశ్వరపాళికి విన్నవింతు - దైవ సంపన్న గాధలన్ తలచి మీరు

కావ్య నిర్మాతలగుచును ఘనతరమగు చిత్రబంధాత్మకున్ హరిన్ జేరఁ గనుఁడు.

సీస గర్భ శివశంకర వృత్తము. ( స న జ న భ స .. యతి 11 )

జయవర్ధన, మహితాశ్రయ సరసాత్ముఁడు హరియే..

ప్రియ దైవము మన కోరిక వినయాత్మున కొసగున్..

నయమార్గము కరుణామయ నవతేజము లొసగున్ ..

భయభక్తుల పరదైవము పదసేవయె శుభమౌన్.

జైహింద్.

Print this post