నేటి నుండి శరన్నవరాత్రులు.మీ అందరికీ నా హృదయ పూర్వక శుభాకాంక్షలు.

జైశ్రీరామ్.

దుర్గాదేవీం శరణమహం ప్రపద్యే.

ఆర్యులారా! నేటి నుండి శరన్నవరాత్రులు.మీ అందరికీ నా హృదయ పూర్వక శుభాకాంక్షలు.

ఈ పండుగ   సందర్భముగా సాక్షాత్తు ఆ ఆది పరాశక్తి మన మధ్య కొలువై మనలననుగ్రహింపనున్నది. ఆ తల్లి అనుగ్రహము మనలను సకల పాపప్రవర్తనావిముక్తులను చేయును. ఆతల్లిని మనసారా భావించి హృదయంలోనే సాష్టాంగ నమస్కారం చేసినట్లైనచో ఆ తల్లి అనుగ్రహమునకు కొదవే ఉండదు. ఐతే మనం ప్రతీ జీవిలో ఉన్న ఆమె స్వరూపాన్ని చూడగలగాలి.
యాదేవీ సర్వ భూతేషు శక్తి రూపేణ సంస్థితా
నమస్తస్యై నమస్తస్యై నమ స్తస్యై నమో నమః.
అని మనం ప్రార్థించడం అలవాటుగా చేసుకో గలగాలి.

నవదుర్గలు :
ప్రథమా శైలపుత్రీచ| ద్వితీయా బ్రహ్మచారిణీ| 
తృతీయా చంద్రఘంటేతి| కూష్మాండేతి చతుర్థికీ| 
పంచమా స్కందమాతేతి|  షష్ఠా కాత్యాయనేతిచ| 
సప్తమా కాళరాత్రీచ|  అష్టమాచేతి భైరవీ| 
నవమా సర్వసిద్ధిశ్చాత్|  నవదుర్గా ప్రకీర్తితా|
నవరాత్రులలో ఈ తొమ్మిది రూపాలలో అమ్మవారిని పూజించాలి. ఆంధ్ర దేశమున అమ్మవారి యొక్క వివిధ అలంకారములతో దేవి ని కొలవడం కూడా ఉన్నది.  క్రింద తేదీ, తిథి, ఆరోజు దుర్గా అవతారము, ప్రక్కన ఆంధ్ర దేశ సాంప్రదాయం ప్రకారం పూజింప దగిన అలంకారం, ఆరోజు విధిగా పెట్ట వలసిన నైవేద్యము, ఆరోజు దుర్గా రూపానికి కల ధ్యానశ్లోకము అందిస్తున్నాను. ఈ శ్లోకాలను ఆరోజంతా వీలైనంత ఎక్కువగా పారాయణ చేసి అమ్మవారి అనుగ్రహాన్ని పొందుదుము.

నవదుర్గా ధ్యాన శ్లోకములు :

21- 9 -2017 ఆశ్వయుజ శు.పాడ్యమి, గురు వారము

శైలపుత్రీ : (బాలా త్రిపుర సుందరి)
నైవేద్యం :  కట్టు పొంగలి
శ్లో|| వందే వాంఛిత లాభాయ చంద్రార్ధకృతశేఖరాం|  
వృషారూఢాం శూలధరాం శైలపుత్రీ యశస్వినీమ్ ||

22- 9 -2017 ఆశ్వయుజ శు.విదియ, శుక్ర వారము
బ్రహ్మచారిణి( గాయత్రి )
నైవేద్యం :  పులిహోర
శ్లో|| దధానా కరపద్మాభ్యాం అక్షమలాకమండలూ | 
దేవీ ప్రసీదతు మయి బ్రహ్మచారిణ్యనుత్తమా ||

23- 9 -2017 ఆశ్వయుజ శు.తదియ, శని వారము
చంద్రఘంట(అన్నపూర్ణ)
నైవేద్యం :  కొబ్బరి అన్నము
శ్లో|| పిండజప్రవరూరుఢా చంద్రకోపాస్త్ర కైర్యుతా| 
ప్రసాదం తనుతే మహ్యం చంద్రఘంటేతి విశ్రుతా ||

24- 9 -2017 ఆశ్వయుజ శు.చతుర్థి, ఆది వారము
కూష్మాండ ( కామాక్షి )
నైవేద్యం : చిల్లులులేని అల్లం గారెలు
శ్లో||  సురా సంపూర్ణకలశం రుధిరాప్లుతమేవ చ| 
దధానా హస్త పద్మభ్యాం కూష్మాండా శుభ దాస్తుమే ||

25- 9 -2017 ఆశ్వయుజ శు.పంచమి, సోమ వారము
స్కందమాత ( లలిత )
నైవేద్యం : పెరుగు అన్నం
శ్లో|| సంహాసనగతా నిత్యం పద్మాశ్రిత కరద్వయా| 
శుభదాస్తు సదాదేవీ స్కందమాతా యశస్వినీ ||

26- 9 -2017 ఆశ్వయుజ శు.షష్ఠి,మంగళ వారము
కాత్యాయని(లక్ష్మి)
నైవేద్యం : రవ్వ కేసరి
శ్లో|| చంద్రహాసోజ్జ్వలకరా శార్దూల వరవాహనా | 
కాత్యాయనీ శుభం దద్యాద్దేవీ దానవఘాతినీ ||

27- 9 -2017 ఆశ్వయుజ శు.సప్తమి,బుధ వారము
కాళరాత్రి ( సరస్వతి )
నైవేద్యం : కూరగాయలతో వండిన అన్నాన్ని
శ్లో|| ఏకవేణీ జపాకర్ణపూరా నగ్నాఖరాస్థితా| 
లంబోష్ఠీ కర్ణికాకర్ణీ తైలాభ్యక్త శరీరిణీ | 
వామపాదోల్లసల్లోహలతాకంటక భూషణా| 
వర మూర్ధధ్వజా కృష్ణా కాళరాత్రిర్భయంకరీ || 

28- 9 -2017 ఆశ్వయుజ శు.అష్టమి, గురు వారము
మహాగౌరి( దుర్గ )
నైవేద్యం : చక్కెర పొంగలి (గుఢాన్నం)
శ్లో|| శ్వేతే వృషే సమారూడా స్వేతాంబరధరా శుచిః| 
మహాగౌరీ శుభం దద్యాత్, మహాదేవ ప్రమోదదా ||

29- 9 -2017 ఆశ్వయుజ శు.నవమి,శని  వారము
సిద్ధిధాత్రి ( మహిషాసుర మర్దిని )
నైవేద్యం : పాయసాన్నం
శ్లో|| సిద్ధగంధర్వయక్షాద్యైరసురైరమరైరపి | 
సేవ్యమానా సదా భూయాత్ సిద్ధిదా సిద్ధిదాయినీ ||

30- 9 -2017 ఆశ్వయుజ శు.దశమి,శని  వారము
రాజ రాజేశ్వరి, నైవేద్యం : పాయసాన్నం.

దుర్గా ధ్యాన శ్లోకము :
శ్లో||  ఓం హ్రీం కాలాభ్రాభాం కటాక్షైరరికులభయదాం మౌలిబద్ధేందురేఖాం  
శంఖం చక్రం కృపాణం త్రిశిఖమపి కరైరుద్వహంతీం త్రినేత్రామ్ | 
సింహస్కంధాధిరూఢాం త్రిభువనమఖిలం తేజసా పూరయంతీం 
ధ్యాయేద్ దుర్గాం జయాఖ్యాం త్రిదశపరివృతాం సేవితాం సిద్ధికామైః ||

జైహింద్.

Print this post