అగజానన పద్మార్కం . . . మేలిమి బంగారం మన సంస్కృతి,

జైశ్రీరామ్.

గణేశ  శ్లోకం:
అగజానన పద్మార్కం గజానన మహర్నిశం 
అనేక దం తం భక్తానాం ఏకదంత ముపాస్మహే 
ప్రతిపదార్థము:  
అగజ = పార్వతీ దేవి యొక్క; 
ఆనన = ముఖము అనెడి; 
పద్మ = కమలమునకు (ప్రకాశింపఁ జేసెడివాఁడగు), 
ఆర్కం = సూర్యుడయినవానిని; 
గజ = ఏనుగు; 
ఆననం = ముఖము కలవానిని; 
అహః నిశం = పగలు; రాత్రి;( ఎల్ల వేళలా) 
భక్తానాం = భక్తుల కొఱకు; 
అనేక = చాల; 
దం = ఇచ్చువాడగు (వరములు); 
ఏక = ఒకే; 
దంతం =  దంతము కలవాడగు; 
తం = అట్టి వినాయకుని; 
ఉపాస్మహే = ఉపాసింతుము.
క. అగజ ముఖాంబుజ దినకరు,
ప్రగణిత గజముఖుని, సతము భక్తుల కోర్కెల్
జగమున నొసగెడి మహితుని
సుగుణదుఁడగు నేకదంతు, శుభదు భజింతున్.
భావము.(అగజ)పార్వతి ముఖపద్మమును వెలిగింపఁ జేయు సూర్యుఁడువంటి వానిని, ఏనుగు ముఖము గలవాడు, అన్నివేళలా ఎన్నోవిధములైసంపదలను తన భక్తులకు ఇచ్చువాడు అయిన ఏకదంతుని ఉపాసింతుము.

జైహింద్. 

Print this post