మేలిమి బంగారం మన సంస్కృతి 137.

జైశ్రీరామ్.

శ్లో: నరత్వం దుర్లభం లోకే - విద్యా తత్ర సు దుర్లభం.
కవిత్వం దుర్లభం తత్ర - శక్తిస్తత్ర సుదుర్లభమ్.
గీ: తొలుత జగతిని నర జన్మ దుర్లభంబు.
తోడనబ్బుట సద్విద్య దుర్లభంబు.
తుదకు సత్ కవి యగుటిల దుర్లభంబు.
దుర్లభోత్పత్తి యుతు డందు దుర్లభంబు.
భావము: లోకములో మానవ జన్మ మెత్తుట యన్నది దుర్లభమైనది. అందులోనూ విద్యా సంపాదన చేయుట మరీ దుర్లభము. చదువు అబ్బినను కవిత్వము పట్టుబడుట మరింత దుర్లభము. కవి కాగలిగినని అందులోఉత్పత్తి శక్తి కలుగువాడగుట అత్యంత దుర్లభము.
అట్టి సత్ కవిని గౌరవించు వారి జన్మమే ధన్యమైనది కదా.
జైహింద్.

Print this post