ఈ సమస్యను పూరించ గలరా? "భామకు మీసముల్ మొలిచె బాపురె! పూరుషుడూనె గర్భమున్"

జైశ్రీరామ్.
సాహితీసన్మిత్రులారా! 
భామకు మీసముల్ మొలిచె బాపురె! పూరుషుడూనె గర్భమున్.
అనే సమస్యను నేను పూరించిన విధము చూడండి.
మీరూ పూరించగలిగితే, పూరించి పంపితే ఆనందం మాకూ పంచినవారౌతారు.
ఉ:-
తామును సంతతిన్ బడయ తప్పక వైద్యము పొంది, తృప్తులై
ఏమరపాటుచే తమకు యిచ్చిన మందులు తారు మారుగా
భామయు భర్తయున్ గొనిరి. వాడిన మందుల దుష్ఫలంబుచే
భామకు మీసముల్ మొలిచె బాపురె! పూరుషుడూనె గర్భమున్.
శుభమస్తు.
జైహింద్.

Print this post