సర్వద్వారేషు దేహేస్మి - ...14 - 11...//.....లోభః ప్రవృత్తిరారమ్భః - , , .14 - 12,,,//...చతుర్దశోధ్యాయః - గుణత్రయవిభాగయోగః

 జైశ్రీరామ్

|| 14-11 ||

శ్లో.  సర్వద్వారేషు దేహేస్మిన్ప్రకాశ ఉపజాయతే|

జ్ఞానం యదా తదా విద్యాద్వివృద్ధం సత్త్వమిత్యుత.

తే.గీ.  ఈ శరీరమందున్న సర్వేంద్రియముల

ను నయ విజ్ఞానమే ప్రసరణము జరుగు

చున్న సత్వసంవర్ధన మున్నదనుచు

మదిని భావింపుమర్జునా! మాన్యవర్య!

భావము.

ఈ దేహమందున్న సర్వేంద్రియముల ద్వారా విఙ్ఞాన ప్రకాశమే 

ప్రసరించుచున్నప్పుడు సత్త్వగుణము బాగా వృద్ధి చెంది శోభిల్లిచున్నదని 

తెలియవలెను.

|| 14-12 ||

శ్లో.  లోభః ప్రవృత్తిరారమ్భః కర్మణామశమః స్పృహా|

రజస్యేతాని జాయన్తే వివృద్ధే భరతర్షభ.

తే.గీ.  మది రజోగుణవృద్ధిచే మహితమయిన

లోభమును, కామ్యకర్మలలోన మునిగి

శాంతి నశియించుచుండి యాశ పెరుగుచును

పతనమార్గంబుపట్టుట క్షితిని జరుగు.

భావము.

ఓ అర్జునా! రజోగుణము వృద్ధిలోనున్నపుదు లోభత్వము, కామ్యకర్మల 

నారంభించి వాటిలో మునిగి వర్తించుట, ఇంద్రియనిగ్రహము, 

మనశ్శాంతిలేకుండుట, మిక్కుటమైన ఆశ మొదలైనవి కలుగుచున్నవి.

జైహింద్.

Print this post