ధ్యానేనాత్మని పశ్యన్తి - ...13 - 25...//..... అన్యే త్వేవమజానన్తః - , , .13 - 26,,,//...త్రయోదశోధ్యాయః - క్షేత్రక్షేత్రజ్ఞవిభాగయోగః

జైశ్రీరామ్.

 || 13-25 |

శ్లో. ధ్యానేనాత్మని పశ్యన్తి కేచిదాత్మానమాత్మనా|

అన్యే సాఙ్ఖ్యేన యోగేన కర్మయోగేన చాపరే|

తే.గీ.  ధ్యానమున గాంతు రాత్మను ధన్యులరసి

యాత్మలో నాత్మనే గాంతు రమలినులిల,

సాంఖ్య యోగంబులన్ గాంత్రు సాధు మహితు

లాత్మ దర్శనమున్ ముక్తి యమరు మనకు.

భావము.

కొందరు ధ్యానము ద్వారా తమలోనే తమ ఆత్మని ఆత్మ ద్వారా చూస్తారు. 

కొందరు జ్ఞాన యోగము ద్వారాను, మరి కొందరు కర్మ యోగము ద్వారాను 

ఆత్మను చూస్తారు.

|| 13-26 ||

శ్లో. అన్యే త్వేవమజానన్తః శ్రుత్వాన్యేభ్య ఉపాసతే|

తేపి చాతితరన్త్యేవ మృత్యుం శ్రుతిపరాయణాః.

తే.గీ.  ఇట్టు లెరుగలేకున్నచో పట్టుపట్టి

తెలిసినట్టివారికడను తెలుసుకొనియు

ముక్తి పొందగవచ్చు నాసక్తియున్న,

నీవు గ్రహియింపుమర్జనా నేర్పు మీర.

భావము.

ఈ ప్రకారంగా తెలుసుకోలేని వారు కూడా అన్యుల ద్వారా విని, అలా విన్న 

దానిపై గురి ఉంచిన వారు కూడా సంసారాన్ని తప్పక తరిస్తారు.

జైహింద్.

Print this post