శ్లో. మౌనేన కలహో నాస్తి.... మేలిమిబంగారం మన సంస్కృతి.

జైశ్రీరామ్.

శ్లో. మౌనేన కలహో నాస్తి
న మౌనం కలహేనచ
ప్రథమే సుఖమాప్నోతి
అన్యత్తు క్లేశ సంకులమ్

తే.గీ. కలహమది మౌనముననెప్డు కలుగఁబోదు.
కలహమున మౌనమెప్పుడు కలుఁగబోదు.
మొదటి దానిచే సుఖముండు, పిదప దాని
చేత క్లేశముల్ కలుగును ఖ్యాతి పాయు.

భావము.
మౌనముగా ఉన్నచో కలహము కలుగదు. కలహము వలన మౌనము కలుగదు.
మొదటిదాని చేత సుఖము ప్రాప్తించును. రెండవదానిచేత క్లేశము సంభవించును.

జైహింద్.

Print this post