గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

18, ఏప్రిల్ 2014, శుక్రవారం

ఆయే దుఃఖం , వ్యయే దుఖం. మేలిమి బంగారం మన సంస్కృతి 174

జైశ్రీరామ్.
శ్లో.  అర్థానా మార్జనే దుఖం, ఆర్జితానాం చ రక్షణే 
ఆయే దుఃఖం , వ్యయే దుఖం ధిర్థాః కష్టసంశ్రయాః.
క. ధన సంపాదన దుఃఖము.
ధన రక్షణ దుఃఖమయము ధన మొచ్చు నెడన్,
ధనమది ఖర్చగు వేళను
మనకౌనది దుఃఖ ప్రదము. మది గనుడయ్యా.
భావము. ధనాన్ని సంపాదించటంలో దుఃఖం , సంపాదించిన దానిని రక్షించటంలో దుఃఖం .ఆదాయంలో దుఃఖం , వ్యయంలో దుఖం. అయ్యో సంపదలు ఎన్నో కష్టాలను ఆశ్రయించుకొని ఉంటాయి కదా!

జైహింద్
Print this post

1 comments:

రాజేశ్వరి నేదునూరి చెప్పారు...

నమస్కారములు
అవును ముందు డబ్బు సంపాదించ డానికి కష్ట పడాలి .పిమ్మట దానిని కాపాడటానికి కష్ట పడాలి అసలు డబ్బు ఎక్కువ ఉంటే రాబందుల మధ్యన ఉన్నట్టే . బంగారంలాంటి విషయం చెప్పారు ధన్య వాదములు

వ్యాఖ్యను పోస్ట్ చెయ్యండి

ఆంధ్రామృత బ్లాగ్ వీక్షకులకు ధన్యవాదములు.