గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

5, ఏప్రిల్ 2014, శనివారం

బలీయసీ కేవలమీశ్వరేచ్ఛా - మేలిమి బంగారం మన సంస్కృతి 170.

జైశ్రీరాం.
శ్లో. స్వయం మహేశః , శ్వశురో నగేశః , సఖా ధనేశశ్చ , సుతో గణేశః 
తథాపి భిక్షాటనమేవ శంభోః, బలీయసీ కేవలమీశ్వరేచ్ఛా !
. తానీశుఁడు, మామగపతి
మానిత ధనపతి హితుడగు. మాన్య గణేశుం
డానిటలలోచను సుతుం
డైనను భిక్షాటనంబె. యిది విధి బలమే.
భావము. తాను స్వయంగా మహేశ్వరుడు! మామగారా - పర్వతాధీశ్వరుడు! స్నేహితుడా - ధనాధిపతియైన కుబేరుడు!కుమారుడా -గణేశ్వరుడు! అయినా శివునకు భిక్షాటనం తప్పలేదంటే ,కేవలం ఈశ్వర సంకల్పమే. ఇది ఎంత బలీయమైనది! 

జైహింద్
Print this post

1 comments:

రాజేశ్వరి నేదునూరి చెప్పారు...

నమస్కారములు
శని నన్నెందుకు పడుతుందని వెళ్ళి చెట్టు తొఱ్ఱలో కూర్చున్నాడట మరి వెండి కొండ మీద కైలాసంలో హాయిగా ఉండవలసిన వెఱ్ఱి శివుడు చెట్టు తొఱ్ఱ లో ఉండటం శని గాక మరేమిటి ? తిరిప మెత్తడం అంతే కదా ? దేవుని లీలలు ఎన్నగలమా ? మంచి విషయాన్ని చెప్పారు ధన్య వాదములు

వ్యాఖ్యను పోస్ట్ చెయ్యండి

ఆంధ్రామృత బ్లాగ్ వీక్షకులకు ధన్యవాదములు.