గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

2, మార్చి 2009, సోమవారం

శ్రీ నల్లమోదు శ్రీదర్ కు జన్మదిన శుభాకాంక్షలు.

ros
శ్రీ నల్లమోదు శ్రీదర్ కు జన్మదిన శుభాకాంక్షలు.
ఉ:-
ఇంటరు నెట్టు శాసకుడు , ఈభువి తెల్గు వచించు వారికిన్
కంటకమైన యాంగ్లమును కాదని తెల్గున నెట్టు గుట్టులన్
కంటికి నింపుగా మదికి కమ్మగ జూపిన నల్ల మోదుకున్
జంటగ నుండి దైవము సజావుగ జీవన భాగ్యమిచ్చుతన్.

ఉ:-
పుట్టిన రోజు నేడతని పుట్టుక నెట్టుకు గట్టి పట్టు కాన్
గట్టిగ గుట్టుగా కృషిని కాదన కుండ యొనర్చి నేర్పి, నన్
దిట్టగ చేసినాడ య! సుధీమణి యీ మన నల్లమోదు. తా
నిట్టులె నూరు వత్సరము లీ భువి వెల్గుత! దైవ సత్ కృపన్.

క:-
శ్రీధర! కావగ నిలుమా!
శ్రీధరునిల శుభములొసగి, శ్రేయస్కరుడై
యీ ధరణి తెలుగు బ్లాగుల
కాధారముగా రహించి యలరగనిమ్మా!
జైహింద్.
తేదీ. ౦౩ -౦౩ -2009.
celebrate Print this post
వ్రాసినది చింతా రామ కృష్ణా రావు. at సోమవారం, మార్చి 02, 2009

0 comments:

కామెంట్‌ను పోస్ట్ చేయండి

ఆంధ్రామృత బ్లాగ్ వీక్షకులకు ధన్యవాదములు.

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)