మంగళ హారతి – పెళ్ళి పాట ...శివ పార్వతుల సంభాషణ ... ఘల్లు ఘల్లున పాద గజ్జెలందెలు మ్రోయ -

జైశ్రీరామ్.

పార్వతీకల్యాణం.... సందర్భంలో కాని, నిత్యం మన గృహాల్లో జరిగే పెండ్లిళ్ళలో కాని పాడుకొనే అత్యద్భుతమైన అతి ప్రాచీనమైన మంగళ హారతి పాట ఎంత బాగుందో ఇది విని గ్రహించగలరు.

ఘల్లు ఘల్లున పాద ( అర్ధ నారీశ్వర మంగళ హారతి)

రచన: సాంప్రదాయ మంగళ హారతి

రాగం : మాధ్యమావతి తాళం : మిశ్ర చాపు శృతి: 6 (A)

ఘల్లున ఘల్లున పాద గజ్జెలందెలు మ్రోయ 

కలహంస నడకల కలికి ఎక్కడికే 

జడలోన గంగను ధరియించుకొన్నట్టి 

జగములేలేడు సాంబశివుని సన్నిధికే

మంగళం మంగళం ॥

హెచ్చు పాపిట బొట్టు రత్న కిరీటము 

ఏవమ్మా కరుణాకటాక్షి ఎక్కడికే

కడు పెద్ద రుద్రాక్షలు మెడలో హారముగా దాల్చి 

స్థిరముగా వెలసిన శివుని సన్నిధికే

మంగళం మంగళం ॥

చెంగావి చీర కొంగులు జారంగ

రంగైన నవ మోహనాంగి ఎక్కడికే 

పులితోలు వస్త్రము భూతిని ధరియించి 

మండలమేలే జగదీశు సన్నిధికే ||

బొండు మల్లెలు జాజి దండలు మెడ నిండ

అందమెరిగిన జగదంబ ఎక్కడికే

అందము విభూతి అలరు శ్రీ గంధము 

అలదిన నీల కంఠేశు సన్నిధికే

మంగళం మంగళం ॥

తళతళమను రత్నతాటంకములు మెరయ 

పసిడి కుండలములపడతి ఎక్కడికే 

చంద్రుని శిరస్సున ధరియించుకొన్నట్టి 

గురుడైన భోళా శంకరుని సన్నిధికే

మంగళం మంగళం ॥

సన్నపు నడుముపై బిళ్ళల వడ్డాణము 

మెరిసేటి బంగారు బొమ్మ ఎక్కడికే

కన్నులు మూడు భుజంబులు నాల్గు గల 

అర్ధనారీశు ఆ శివుని సన్నిధికే

మంగళం మంగళం ॥

జైహింద్.

Print this post