శ్రీ రాజమహేంద్రవర పుత్రిక ఐన ప్రజా పత్రికకు ధన్యవాదములు.

జైశ్రీరామ్.

ఆర్యులారా! శ్రీ తల్లాప్రగడ రావు గారు ముఖ పుస్థకములో ఉంచిన కనులకు మిరుమిట్లు కొలిపే జగన్మాత చిత్రం నాకంట పడింది. మెలమెలా మెఱిసిపోవుచున్నా ఆ తల్లి చిత్రాన్ని చూడగానే నాకేదో తెలియని ఆనందం కలిగింది. ఆ ఆనందంలో నాకు భారతీ! అనే మకుటంతో చంపకమాల వృత్తములో పద్యములు ధారాపాతముగా పొంగుకొని వచ్చాయి. నేను ఆ అంతు తెలియని ఆనందంలో ఆ భారతీమాత వ్రాయించినవన్నీ వ్ర్రాశాను.  

ఆ జగజ్జనని భారతీమాత నాచేత శ్రీ చాంద్రమాన మన్మధ నామ సంవత్సర కార్తీక శుద్ధ విదియా భృగువారం అనగా తే.13-11-2015న 16/24 గంటలలో చంపకభారతీశతకరచన చేయించింది. ఈ విషయమునెఱింగిన ప్రజాపత్రిక వారపత్రిక వారు తే.20-11-2015 తమ ప్రజాపత్రికలో ప్రకటించారు.

వారి అభిమానానికి నా ధన్యవాదములు.

శ్రీ తల్లాప్రగడ రావుగారు ముఖపుస్థకమునందుంచిన జగన్మాత మెఱుపుల చిత్రమే నా కవితావేశమునకు మూలము. వారికి కూడా నేను ధన్యవాదాలు తెలియఁ జేసుకొంటున్నాను.

జైహింద్.

Print this post