జైశ్రీరామ్.
క. పుట్టినదాదిగ మనలకు
మట్టిగ నగునంత వరకు మధురాన్నంబుల్
పొట్టకు పెట్టక తప్పదు.
నెట్టుట కవ దాకలిని మనీషులకయినన్.
గీ. అట్టి యాకలికన్నము నమరఁ జేయు
దైవ మిల రైతు ఆ రైతు జీవ శక్తి
భూమి కర్పించి పండించు పూజ్యమైన
అన్నమా దైవ దత్తమే. మన్ననమది.
గీ. అట్టియన్నంబితరులకుఁ బెట్టవలయు,
ఆకలినిగొన్నవారిని హరిగఁ దలచి
అన్నమును పెట్టనగునది హరికి సేవ.
విష్ణుఁడభ్యాగతుండని వినమె మనము?
క. అన్నద్వేషము కూడని
దన్నం బిల విసరఁగఁ దగ దాగ్రహమున నా
యన్నంబు విసురు వారికి
నన్నంబో రామచంద్ర యను దశ కలుగున్.
జైహింద్.
వ్రాసినది
3 comments:
VERY GOOD MEANINGFUL POEMS SIR
అజ్ఞాత మహాభాగా! ధన్యవాదములు.
నమస్కారములు .
అవును అన్నం పరబ్రమ్మ స్వరూపం .మంచి విషయాన్ని చెప్పారు . ధన్య వాదములు
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.