జైశ్రీరామ్.
నిరుపమాన సాహిత్యాభిమానులారా!
ఈ క్రింది సమస్యకు చక్కని పూరణమును మీరైతే సునాయాసంగా అందజేయ గలరనే నా విశ్వాసం వ్యర్తము కాదు. ప్రయత్నించగలరు.
‘చెదరిన జీవియయ్యె వెత జెందెను దైవ కృపాభిషిక్తుడై’
నా పూరణను వ్యాఖ్యలో చూడనగును.
జైహింద్.
Print this post
నిరుపమాన సాహిత్యాభిమానులారా!
ఈ క్రింది సమస్యకు చక్కని పూరణమును మీరైతే సునాయాసంగా అందజేయ గలరనే నా విశ్వాసం వ్యర్తము కాదు. ప్రయత్నించగలరు.
‘చెదరిన జీవియయ్యె వెత జెందెను దైవ కృపాభిషిక్తుడై’
నా పూరణను వ్యాఖ్యలో చూడనగును.
జైహింద్.
వ్రాసినది
8 comments:
చ:-
మదిని మనోజ్ఞ భావనలు మాధవు సన్నిధి చేర గోరి .తా
మదిని కలంచు లౌకికము మాయము చేయగ వేడె దైవమున్.
చెదరగ జేసె నైహికము చిన్మయ రూపము గాంచ జేయగా.
చెదరిన జీవియయ్యె వెత జెందెను దైవ కృపాభిషిక్తుడై
మీ బ్లాగులో వ్యాఖ్యలకు మీ స్పందన వెనువెంటనే ఉంచిన ఎడల సాహితీప్రియులకు మోదము కాగలదని నా భావన.
ఔను నిజమేసుమండీ! అజ్ఞాత గారూ! మీరు చెప్పే వరకు నాకు ఆ దృష్టే లేకపోవడం బాధాకరం. సరే చక్కని సూచన చేసిన మీకు నా ధన్యవాదములు. ఇటుపైన మీ సూచనను తప్పక పాటించే ప్రయత్నం చేస్తానండి.
కుదురుగ దైవ చింతనము కోరి భజించుట మోక్ష మంచు తా
మదిని మనో వికారముల మైకము నొందక జాగ రూకుడై
మదనుని మోహ పాశమున మాయను గ్రమ్మి మనోజ్ఞ చిత్తుడై
చెదరిన జీవి యయ్యె వెత జెందెను దైవ కృపాభి షిక్తుడై !
విధికి తలొగ్గి , ధర్మజుడు వేసరి తమ్ములు తాను యోగ్యతా
పథమును దప్పి , కూటికయి బ్రాహ్మణ వేషము దాల్చి వీర్యముల్
చెదిరిన జీవియయ్యె , వెత జెందెను - దైవకృపాభిషిక్తుడై
తుదకు సుయోధనున్ గెలిచి దోర్బలమొప్ప గడించె రాజ్యమున్ .
-----సుజన-సృజన
శ్రీ వేంకట రావు గారూ! చాలా చక్కని భావనా పటిమను సూచిస్రోంది మీ పూరణము.
మొదటి పాదంలో తమ్ములు తాను అనుట కంటే తమ్ములతోడ అని అంటే చెదరిన జీవియయ్యె, వెత చెందెను వంటి ఏకవచన సూచక క్రియా ప్రయోగరమ్యంగా ఉంటుందనిపిస్తోందండి నాకు.
రాజేశ్వరక్కయ్యా! వృత్తరచనలో కూడా అద్భుతంగా పట్టు సాధ్స్తున్న మిమ్ములను మనసారా అభినందిస్తున్నాను.
అదలుచు పల్కె కౌశికుడయారె! ధరాతలమందు కాంతుమా!
వదలక సత్యమే పలుకు పాలకునిన్ పలుకంగ జేసెదన్
వదలక వానిచే ననృత వాక్యమనంగ నయోధ్య రేడటన్
చెదరిన జీవియయ్యె వెత జెందెను దైవ కృపాభిషిక్తుడై
కామెంట్‌ను పోస్ట్ చేయండి
ఆంధ్రామృత బ్లాగ్ వీక్షకులకు ధన్యవాదములు.