అతఁడెవరో చెప్పుకోండి చూద్దాం.

క:- 
ప్రియ పాఠక సద్బంధులు
దయనీ సీసమును చదివి దానిని కల నా
ప్రియమైన ప్రశ్న కుత్తర 
మయినది తెలుపంగ గలరె? ఖ్యాతిగ మీరల్?
సీ:-
ముద్దులొలుకు మోము, మురిపించు పలుకు, చె
క్కు చెదరని నగవు, సుచరితమును,
రాగము తీసిన రంజిల్ల జేసెడు
ఘనమైన సత్కీర్తి కలయతండు,
వరగుణాన్విత పుణ్య భరణ కౌశలుఁడును,
కినుక నెఱుగనట్టి వినుతుఁడు. కుద
రణ్ డు దుష్టుల దరి. ప్రఖ్యాత విజ్ఞాని,
నా సత్ప్రబంధముల్ నచ్చి మెచ్చు.
గీ:-
మంచి మర్యాద లెఱిగిన మాన్యుఁడతఁడు.

మహిత సద్భావ సౌశీల్య మర్త్యుఁడతఁడు.

తత్వ వేత్తయు నాతఁడు సత్వ భావుఁ

డు. తెలుపుఁడతడెవ్వడగు?వాఁడు తెలియ దగు.  

జైశ్రీరాం
జైహింద్.

Print this post