శ్రీకృష్ణాష్టమి పర్వదినాన.. శ్రీకల్యాణి నూతన నిర్మిత వేదికపై నా రాఘవ శతకావిష్కరణ.(తే. 16 - 8 - 2025.)

 జైశ్రీరామ్.

https://www.facebook.com/1416344362/videos/pcb.10230237887117217/767167492384654

సభాధ్యక్షులు

శ్రీ వాసుదేవరావు.

👇🏻

ఆ.వె.  వాసుదేవరావు వరసభాధ్యక్షులై

వరలఁజేయు సభను భవ్యగతిని,

వాసుదేవుఁడేలు వసుధపై వీరిని

శుభచయంబు నిడుచు శోభిలంగ.

రాఘవ శతక గ్రంథావిష్కర్త 

శ్రీ చిలకపాటి విజయరాఘవాచార్యులు.

👇🏻

ఉ.  ఆర్యులు చిల్కపాటి పరమామృతమూర్తులు దివ్య రాఘవా

చార్యులు రాఘవాఖ్య నుత సత్ శతకంబు జగద్ధితంబుగా

నార్యులు మెచ్చ లోకమునకర్పణ జేసిరి, యీ మహాత్ము సత్

కార్యములెల్ల శోభిలుత! గణ్యని రాఘవుఁడేలు మేలుగాన్.

ముఖ్య అతిథి

శ్రీ అద్దంకి రాఘవాచార్యులు

👇🏻

తే.గీ.  రాఘవార్యులద్దంకి రమ్యమతులు

రమణుఁడగు రామచంద్రుని ప్రాణసములు,

వీరి నెన్నగ నిచట నెవ్వారు కలరు?

శుభపరంపరన్ నిరతమున్ శోభిలుధర.

శ్రీ భాగవత ప్రచార సమితి కార్యదర్శి శ్రీ బండిశ్రీనివాసు భాగవతోత్తములు.

👇🏻

ఆ.వె.  బండిశ్రీనివాసు భాగవతోత్తము

లతనినేలుతహరి యనుపమగతి,

క్షితిని వెలుగు వీరు, చిరయశస్సును గాంచు,

వంశవృద్ధి చెంది వరలగలరు

కావ్యభర్త

ఊలపల్లి సాంబశివరావు లలితాంబ దంపతులు.

👇🏻

ఆ.వె.  ఊలపల్లివంశ శ్రీలలితాంబయున్

సాంబశివులు ధరను సకల శుభులు,

భాగవతసుగణన వాసిగాంచినవారు

రాఘవాఖ్య శతక రమణులరయ.

జైహింద్.

Print this post