నేను రచించిన నవాక్షర సమ వృత్త (నీలోత్పల) - కంద త్రయ, - మణిగణనికర(శశికళా)వృత్త - గర్భిత సరసిజ వృత్తము:

జైశ్రీరామ్.

సరసిజ

నవాక్షర సమ వృత్త (నీలోత్పల) - కంద త్రయ, - మణిగణనికర(శశికళా)వృత్త - గర్భిత సరసిజ వృత్తము: *

[లక్షణము: మ - త - య - న - న - న - న - స... గణములుండును.

యతి:1-10-18 యక్షరములకు... ప్రాసపాటింపఁబడును]

భావావేశోద్భావ ప్రభావా! భవ నుత వర నిను వని గను దివిజుల్!

దేవీ! దుర్గా దేవత ధీవై, దివిజుగ ననుగను తిరముగ తెలియన్.

నీ వానిన్, నే నీవెగ! నీవే నివసన మొసగుమ నిరుపమ. కవితై

కావన్ వచ్చే కావలి కావా? కవిగను నిలుపుమ కరుణను భువిపై.

1. సరసిజ వృత్త గర్భిత నవాక్షరసమ (నీలోత్పల) వృత్తము : “మ - త – య”గణములు. 

యతి 1- 5

భావావేశోద్భావ ప్రభావా! 

దేవీ! దుర్గా దేవత ధీవై,

నీ వానిన్, నే నీవెగ! నీవే 

కావన్ వచ్చే కావలి కావా?

2. సరసిజ వృత్త గర్భిత కందము(1)

భావావేశోద్భావ ప్ర

భావా! భవ నుత వర నిను వని గను దివిజుల్!

దేవీ! దుర్గా దేవత 

ధీవై, దివిజుగ ననుగను తిరముగ తెలియన్.

3. సరసిజ వృత్త గర్భిత కందము(2)

నీ వానిన్, నే నీవెగ! 

నీవే నివసన మొసగుమ నిరుపమ. కవితై

కావన్ వచ్చే కావలి 

కావా? కవిగను నిలుపుమ కరుణను భువిపై.

4. సరసిజ వృత్త గర్భిత కందము(3)

భవ నుత వర నిను వని గను 

దివిజుల్! తెరవున ననుగను తిరముగ తెలివిన్.

నివసన మొసగుమ నిరుపమ. 

కవితై ఘనతను గొలుపుమ కరుణను భువిపై.

5. సరసిజ వృత్త గర్భిత మణిగణనికర (శశికళా) వృత్తము[న-న-న-న-స గణములు.యతి:1-9]

భవ నుత వర నిను వని గను దివిజుల్! 

దివిజుగ ననుగను తిరముగ తెలియన్.

నివసన మొసగుమ నిరుపమ. కవితై 

కవిగను నిలుపుమ కరుణను భువిపై. 

జైహింద్.

Print this post