గణనీయంబగు భాషలందు తెలుగున్ గాంచంగ మేల్మేలు.. తాన్ విన సొంపై , ప్రకటించు భావ సరళిన్ దృప్తిన్, విశేషించి పల్ ఘన కావ్యామృత సంవిధాన మహిమల్ గాంచంగ నాంధ్రామృతం బను యీ బ్లాగును గొల్పి యుంటి. కనుడీ ! ఆంధ్రామృతం బందుడీ ! .

5, అక్టోబర్ 2013, శనివారం

దేవీ నవరాత్రులు సందర్భముగా యావత్భక్త జనావళికి శుభాకాంక్షలు.

జైశ్రీరామ్.
ఆర్యులారా! నేటి నుండి శరన్నవరాత్రులు.మీ అందరికీ నా హృదయ పూర్వక శుభాకాంక్షలు. 
ఈ పండుగ   సందర్భముగా సాక్షాత్తు ఆ ఆది పరాశక్తి మన మధ్య 
కొలువై మనలననుగ్రహిస్తుంది. ఆ తల్లి అనుగ్రహం మనలను సకల పాపప్రవర్తనావిముక్తులను 
చేస్తుంది. ఆతల్లిని మనసారా భావించి హృదయంలోనే సాష్టాంగ నమస్కారం చేసినట్లైతే ఆ తల్లి 
అనుగ్రహానికి కొదవే ఉండదు. ఐతే మనం ప్రతీ జీవిలో ఉన్న ఆమె స్వరూపాన్ని చూడగలగాలి.
యాదేవీ సర్వ భూతేషు శక్తి రూపేణ సంస్థితా
నమస్తస్యై నమస్తస్యై నమ స్తస్యై నమో నమః. 
అని మనం ప్రార్థించడం అలవాటుగా చేసుకో గలగాలి.
ఈ నవరాత్రులలో ఆ జగన్మాత రూపాలను, పూజా విధానమును మనకు శ్రీ రాజశేఖరుని 
విజయ్ శర్మగారు వివరించారు. చూడండి.
నమస్కారం!
దేవీ నవరాత్రులు ఎప్పుడు జరుపుకోవాలి? అనే విషయాలపై మిత్రులు అందించిన విశేషాలు క్రింద చిత్రాలలో చూడండి.  
అలాగే మరికొన్ని........
నవదుర్గలు :
ప్రథమా శైలపుత్రీచ| ద్వితీయా బ్రహ్మచారిణీ| 
తృతీయా చంద్రఘంటేతి| కూష్మాండేతి చతుర్థికీ| 
పంచమా స్కందమాతేతి|  షష్ఠా కాత్యాయనేతిచ| 
సప్తమా కాళరాత్రీచ|  అష్టమాచేతి భైరవీ| 
నవమా సర్వసిద్ధిశ్చాత్|  నవదుర్గా ప్రకీర్తితా|
నవరాత్రులలో ఈ తొమ్మిది రూపాలలో అమ్మవారిని పూజించాలి. ఆంధ్ర దేశమున అమ్మవారి యొక్క వివిధ అలంకారములతో దేవి ని కొలవడం కూడా ఉన్నది.  క్రింద తేదీ, తిథి, ఆరోజు దుర్గా అవతారము, ప్రక్కన ఆంధ్ర దేశ సాంప్రదాయం ప్రకారం పూజింప దగిన అలంకారం, ఆరోజు విధిగా పెట్ట వలసిన నైవేద్యము, ఆరోజు దుర్గా రూపానికి కల ధ్యానశ్లోకము అందిస్తున్నాను. ఈ శ్లోకాలను ఆరోజంతా వీలైనంత ఎక్కువగా పారాయణ చేసి అమ్మవారి అనుగ్రహాన్ని పొందుదాము. 
నవదుర్గా ధ్యాన శ్లోకములు :
05-10-2013 ఆశ్వయుజ శు.పాడ్యమి శనివారం  శైలపుత్రీ : (బాలా త్రిపుర సుందరి) నైవేద్యం :  కట్టు పొంగలి
శ్లో|| వందే వాంఛిత లాభాయ చంద్రార్ధకృతశేఖరాం|  
వృషారూఢాం శూలధరాం శైలపుత్రీ యశస్వినీమ్ ||
06-10-2013 ఆశ్వయుజ శు.విదియ ఆదివారం బ్రహ్మచారిణి( గాయత్రి ) నైవేద్యం :  పులిహోర
శ్లో|| దధానా కరపద్మాభ్యాం అక్షమలాకమండలూ 
దేవీ ప్రసీదతు మయి బ్రహ్మచారిణ్యనుత్తమా ||

07-10-2013 ఆశ్వయుజ శు.తదియ సోమవారం చంద్రఘంట(అన్నపూర్ణ) నైవేద్యం :  కొబ్బరి అన్నము 
శ్లో|| పిండజప్రవరూరుఢా చంద్రకోపాస్త్ర కైర్యుతా| 
ప్రసాదం తనుతే మహ్యం చంద్రఘంటేతి విశ్రుతా ||

08-10-2013 ఆశ్వయుజ శు.చవితి మంగళవారం కూష్మాండ ( కామాక్షి )నైవేద్యం : చిల్లులులేని అల్లం గారెలు
శ్లో||  సురా సంపూర్ణకలశం రుధిరాప్లుతమేవ చ| 
దధానా హస్త పద్మభ్యాం కూష్మాండా శుభ దాస్తుమే ||

09-10-2013 ఆశ్వయుజ శు.పంచమి బుధవారం స్కందమాత ( లలిత )నైవేద్యం : పెరుగు అన్నం
శ్లో|| సంహాసనగతా నిత్యం పద్మాశ్రిత కరద్వయా| 
శుభదాస్తు సదాదేవీ స్కందమాతా యశస్వినీ ||

10-10-2013 ఆశ్వయుజ శు.షష్టి గురువారం కాత్యాయని(లక్ష్మి)  నైవేద్యం : రవ్వ కేసరి
శ్లో|| చంద్రహాసోజ్జ్వలకరా శార్దూల వరవాహనా 
కాత్యాయనీ శుభం దద్యాద్దేవీ దానవఘాతినీ ||

11-10-2013 ఆశ్వయుజ శు.సప్తమి శుక్రవారం కాళరాత్రి ( సరస్వతి ) నైవేద్యం : కూరగాయలతో వండిన అన్నాన్ని 
శ్లో|| ఏకవేణీ జపాకర్ణపూరా నగ్నాఖరాస్థితా| 
లంబోష్ఠీ కర్ణికాకర్ణీ తైలాభ్యక్త శరీరిణీ 
వామపాదోల్లసల్లోహలతాకంటక భూషణా| 
వర మూర్ధధ్వజా కృష్ణా కాళరాత్రిర్భయంకరీ || 
12-10-2013 ఆశ్వయుజ శు.అష్టమి శనివారం మహాగౌరి( దుర్గ )  నైవేద్యం : చక్కెర పొంగలి (గుఢాన్నం)
శ్లో|| శ్వేతే వృషే సమారూడా స్వేతాంబరధరా శుచిః| 
మహాగౌరీ శుభం దద్యాత్మహాదేవ ప్రమోదదా ||

13-10-2013 ఆశ్వయుజ శు.నవమి + దశమి ఆదివారం సిద్ధిధాత్రి ( మహిషాసుర మర్దిని ) ( రాజ రాజేశ్వరి ) నైవేద్యం : పాయసాన్నం
శ్లో|| సిద్ధగంధర్వయక్షాద్యైరసురైరమరైరపి | 
సేవ్యమానా సదా భూయాత్ సిద్ధిదా సిద్ధిదాయినీ ||

దుర్గా ధ్యాన శ్లోకము :
శ్లో||  ఓం హ్రీం కాలాభ్రాభాం కటాక్షైరరికులభయదాం మౌలిబద్ధేందురేఖాం 
శంఖం చక్రం కృపాణం త్రిశిఖమపి కరైరుద్వహంతీం త్రినేత్రామ్ 
సింహస్కంధాధిరూఢాం త్రిభువనమఖిలం తేజసా పూరయంతీం 
ధ్యాయేద్ దుర్గాం జయాఖ్యాం త్రిదశపరివృతాం సేవితాం సిద్ధికామైః ||
చూచారుకదండీ. ఈ విషయములను ఇంత చక్కగా మనకందించిన విఝయ శర్మ గారికి ధన్యవాదములు తెలుపుకొంటున్నాను.
ఆ జగన్మాత కటాక్షం భక్తులందరి పాలిట ఎల్లవేళలా ఉండాలని ఆకాంక్షిస్తూ మరొక్కమారు మీ అందరినీఅభినందిస్తున్నాను.
జైహింద్.
Print this post

1 comments:

రాజేశ్వరి నేదునూరి చెప్పారు...

నమస్కారములు
నవరాత్రులు , నవదుర్గల విశిష్టత , ప్రత్యేక నైవేద్యములు , చక్కగా వివరించి నందులకు కృతజ్ఞతలు
సోదరులకు , వారి కుటుంబ సభ్యులకు అందరికీ విజయ దశమి శుభా కాంక్షలు

వ్యాఖ్యను పోస్ట్ చెయ్యండి

ఆంధ్రామృత బ్లాగ్ వీక్షకులకు ధన్యవాదములు.